新聞稿 敬請參採
桃園市閩南文化節高潮登場，第一屆桃園市閩南語講故事比賽活動總決賽，共有幼童組、國小低、中、高年組、青少年組以及外籍人士組，六組合計104人，將角逐由桃園扶輪社贊助的10萬元獎金。
台語演講比賽期盼透過講故事比賽，協助本土語言教學；鼓勵下一代學童使用台語上台表演，增加學童對口說台語的自信，使本土文化意識向下紮根。
105年度桃園閩南文化節「第一屆桃園市閩南語講故事比賽活動」初賽已於7月9日和10日，分別於桃園各區辦理初賽評比，評審結果成績各區初賽，這項活動由桃園市政府文化局 、桃園扶輪社共同主辦，桃園市志願服務協會負責承辦，整合桃園市台語文化學會、桃園慈護宮、中壢仁海宮、龜山壽山巖觀音寺、竹圍福海宮、武陵高中共同協辦。
附件：參賽者名單及講演稿內容，請參採！
新聞聯絡人 洪連慶0933-774-157
我的人生(台語講故事) 六和高中國中部賴思穎
大家平安，大家好！我是第7號，今ㄟ日我買講ㄟ故事是「我的人生」!
“ 別人ㄟ生命是拱金兼包銀，阮ㄟ性命沒達錢。”
講到我ㄟ人生…唉阿，實在是慘慘慘，3字慘寫作夥，因為我ㄟ人生是阮阿母安排ㄟ………阿母愛我達天讀切，真正越讀越切，伊講做人一定要有方向，要有目標，安餒這ㄟ出頭天，所以伊叫我愛認真讀書ㄟ蓋架ㄟ當做醫生，因為真多人講，第一醫生，第二賣冰，聽講醫生ㄟ當賺真坐錢，我嘛不知道，但是阮叨隔壁ㄟ阿桑賣冰賣廖真好，因為伊賣冰賣甲買樓ㄟ厝，所以不知是作醫生卡好，也是賣冰。
阿母講做人愛”艱苦頭，快活尾“，趁少年，認真讀書，所以我每天去補習，每天攏愛寫真做功課，寫馬寫賣廖，攏不當去七陀，實在真艱苦，真正是一ㄟ痛苦的人生阿。阿母講，安ㄋ才會考第一名，講實在ㄟ，我真正差一點拿到第一名，不過是對後壁算到當ㄟ……,所以阿母真生氣，氣甲頭殼槍煙，我馬真無奈，因為每一天愛去補習，我隆沒機會去消化讀書ㄟ內容，每天故隆睡沒飽，攏無精神，實在有夠慘。有一遍，阿爸甲阿母講，我做ㄟ生日卡片有夠水，設計廖比別人各卡特別，實在有設計ㄟ天份，阿母看廖馬真窩羅，但是阿母講，畫ㄤㄟ甘有飯同吃，阿爸講，”一枝草，一點露”，”行行出狀元”。所以對一天開始，阿母有轉變伊ㄟ想法，侯我報名去畫ㄤㄟ，我畫廖真快樂，常常拿我畫ㄟ作品夥阿爸甲阿母看，伊隆講..畫廖真水，所以我真歡喜。了後，我馬有參加學校音樂ㄟ社團，常常去參加比賽，成績不錯，常常拿到第一名。所以我真愛吹笛ㄟ，因為每一次吹ㄟ時陣，我隆覺得我軌ㄟ人輕鬆起來，而且自由自在，親像一隻鳥講款，完全無煩惱。講嘛奇怪，我ㄟ人生蟬像對地獄變做天堂講款，實在是真趣味。
我感覺我進前有誤解阿母ㄟ意思，其實阿母是一位真很智慧的人，伊ㄟ講道理給我聽，而且真照顧我，阿母希望我愛珍惜人生，而且愛找到自己ㄟ興趣，早一天訂下目標，安ㄋ 才不會浪費寶貴ㄟ人生，因為阿母講，人生甲那一概，一定愛活廖充實，伊希望我ㄟ人生趁像春天講款，充滿美滿，快樂，幸福甲希望，而且愛活出一ㄟ有價值ㄟ人生，對社會，國家有貢獻，阿母..我感謝妳，因為有妳我ㄟ人生才會吃精彩，從現在開始，我會各卡加倍認真打拼，開創出一ㄟ屬於我甲低ㄟ人生，阿母..希望你永遠健康、美麗，吃百二。
（我ㄟ故事講卡遮，多謝大家！） 敬禮
第一屆閩語說故事比賽 新埔國小 高年級 張嘉麒
咱桃園上介媠
各位評判老師，各位參加比賽的同學逐家好，這馬我欲講的題目是“咱桃園上介媠、咱桃園上介媠”。
講著咱桃園實在真正媠，頭一个我欲介紹的就是咱的風景真正媠，咱有山、有海，平埔，山有山景，海有海景，平埔嘛有伊的特色，若有去會復興遐的人就知，遐的樹仔是青ling-ling，花是開佮滿滿是，風景真優美，吸引真濟觀光客。咱閣有虎頭山、五酒桶山、石門山頂，遮攏是咱桃園真有名的景點。閣來講著咱的海，有竹圍仔魚港，永安魚港，來去遐食海產，順紲欣賞海景，當當日頭欲落海的時，滿天的紅霞，發出五彩的光線照佇海面，幾隻鳥仔飛對海面過，有夠媠的，莫怪遐濟人欲來遮欣賞海景。
第二个講著咱桃園的文化嘛真媠，客家語，河老語，原住民語，這馬閣有各種的新住民語，各種語言的背後攏有伊無仝的文化佮信仰，佇外國，會因為族群無仝，信仰無仝發生衝突，冤家相拍，咱桃園人真古錐，腹腸真闊，無論你是對佗位來，你的信仰是道教、基督教、佛教，抑是回教，攏受著別人的尊重。因為按呢，咱的文化是愈來愈多元。愈來愈精彩。
閣來講著咱桃園的地理實在有夠媠，無論台灣發生偌大的地動佮水災，桃園攏是平安度過，所以咱愛抱著感恩的心，感謝天地眾神明，一直保庇桃園平安無代誌。 做後欲講的就是桃園人的心攏真媠，看著天災地變，桃園人會出錢出力來共人鬥相共，阮阿爸嘛真關心下代的教育，不時咧捐款予學校建設，伊講：囡仔是國家未來的主人，愛有好的環境予逐家來受教育，我想逐家攏有一粒善良的心，這的社會一定會愈來愈好，以上予我發現咱桃園真正有影媠。我就講到遮，多社逐家。
新埔國小 低年級 鄭喻云
狐狸請人客
各位評判老師、各位小朋友逐家好，我是＿號，這馬我欲演講的題目是“狐狸請人客、狐狸請人客”。
樹林內有一隻狐狸真愛創治其他的小動物，所以逐家攏真討厭伊。有一工伊看著一隻白鶴佇溪仔邊咧食水，伊心內有閣想歹心矣！準備欲創治白鶴，伊行倚去白鶴的身軀，真有禮貌共白鶴講：白鶴先生，我想欲請你食飯，毋知你明仔載有閒無？我會準備真腥臊的物件來請你，請你一定愛撥駕光臨。
白鶴心內想講這隻狐狸毋閣欲變啥物蠓？我就來去共伊看覓咧！伊就講：好啊！我一定會去。
狐狸並無真心欲請白鶴，伊用青豆仔煮湯，共青豆仔湯𣁳囥佇一地平平的盤仔內底，當白鶴食一喙湯，青豆仔就對伊尖尖的喙落落來，狐狸是看佮笑咍咍，伊共白鶴講：你食物件的形看起來足好笑的。白鶴心內是足受氣，伊暗暗咧想：我一定欲報這个鳥鼠仔冤。伊就共狐狸講：真多謝你今仔日這誠意請我，明仔載換我請你，請你一定愛來阮兜予我招待。
隔轉日，狐狸準時赴約，白鶴是準備一隻芳貢貢的烘雞欲請狐狸，毋過伊共烘雞囥佇一个罐仔喙真長閣真狹的玻璃罐內底，干焦伊家己長長的喙才食會著。這的時陣伊看著狐狸是一直吞喙瀾。
俗語講：惡馬惡人騎，胭脂馬拄著附馬爺，凡事相拄會得著，千萬毋通存歹心。我就講到遮，多謝逐家。
第一屆閩語講古比賽 中年級 新埔國小嚴啓人 我上甲意舊曆過年
各位評判老師、各同學逐家好，我是＿號，這馬我欲演講的題目是『農曆過年的風俗，農曆過年的風俗』。
倚年的時，厝內摒掃好勢，阮阿媽就準備去菜市仔買年菜，買佮魚魚肉肉規大堆，白鯧、花枝、煙腸，牲醴，椪柑、糖仔佮餅仔，特別是甜粿、發粿，椪柑一定愛買，因為過年愛拜拜，甜粿代表的意義是食甜甜予你大趁錢，發粿是發財的意思，椪柑是大吉大利。菜市仔的人客是挨挨陣陣，𤲍甲強欲行袂過，愈倚年，菜市仔是愈鬧熱。
過年暗，是阮囡仔上歡喜的日子，因為會當提著大人分的硩年錢就是紅包。這一工規家大細愛鬥陣圍爐，講好話，厝內是鬧熱滾滾，春聯嘛愛貼予好，門聯的上聯佮下聯愛分予清楚，春聯是真有學問的對聯，阮兜今年貼的春聯，上聯是『門迎春夏秋冬福』，下聯是『戶納東西南北財』，橫批就是福氣錢財請入來，抑若大門就貼『逐家恭喜』，『招財進寶』，米缸就貼『滿』抑是『五穀豐收』豬牢就愛貼『六蓄興旺』，實在真有學問。
過年時仔有食袂完的糖仔餅仔，阮阿媽家己買真濟欲請人客，阮的親情來拜年攏會送禮來，有當時仔，人捾來的禮物嘛會捾去送別人，捌有一擺禮物送來送去，最後閣捾轉來阮兜。
宋朝王安石有寫一首詩，共過年寫甲足好的，『暴竹聲中一歲除，春風送暖入屠蘇； 千門萬戶曈曈日，總把新桃換舊符』。王安石這首詩共過年寫甲對著未來有無限的期待。阮嘛有佮古早詩人仝款會心思，希望新的一年會當國泰民安，祝逐家攏事事如意。今仔日我的演講就到遮，多謝逐家。
我的人生故事真心適(竹圍國中 葉同賢)
自細漢我的阿爸和阿母就在北部上班,所以我是跟阿公阿嬤住做伙,因為阿嬤日時要去菜市仔賣菜,所以阿公和阿嬤達工透早四點就要把我背著騎摩托車去果菜市場批菜,準備去菜市仔擺攤,開市的時陣阿嬤攏會先把我抱去哩伊的攤位頂懸坐哩,等阿嬤賣菜賣到一半阿公就會tsua我去踅歸ㄟ市場,所以我囝囡時嘛熟識真濟人,比如講賣豬肉的阿伯 、賣魚肉的阿姆、賣雞肉的阿叔、賣肉粽的阿嬸。逐擺踅一輾返來我攏會mo真濟因予我呷的物件，見擺我攏會mo轉去分阿嬤。轉去到阿嬤ㄟ攤仔位我就坐咧攤仔位頂懸，所以我嘛常常看到阿嬤一邊賣菜閣會順紲佮伊煮菜的秘笈教乎別人。呼！若說到阿嬤煮的菜我真正感覺她是世界第一的總鋪師，她煮ㄟ物件真正好呷嘎會殺人放火,大家若不信恁看我的身材就會使證明啊。
另外閣有一擺，阮媽媽說欲加班愛卡晚才會返來,所以阿嬤煮完晚頓就講欲tsua我去踅夜市,在夜市仔阿嬤買到一領足古錐ㄟ無尾熊外型的衫予我，而且阿嬤閣佮我講：「等咧你若穿這領衫坐佇恁阿公的暝床頂，恁媽媽加班返來一定會驚到。」結果阮媽媽返來真正驚嘎跳起來講：「那有一隻遮大隻ㄟ無尾熊坐佇阮兜的暝床頂？」,恁講，是不是真心適啊？
閣有一擺,是我細漢的時有真濟七桃物仔,其中有一寡細項的內底有細粒的電池,因為我感覺電池真好耍,所以我就把電池提來塞佇鼻孔。因為彼時的驚惶害我不敢佮厝哩ㄟ序大郎講,所以大家攏毋知影這件代誌。是因為過兩三工阮爸爸講欲對北部返來看我,所以大家約好欲佇大姨因兜烘肉,彼工烘肉烘到一半，姨丈熊熊講：「哼唉，你的鼻孔奈會像火金姑仝款會發光啊？」一開始大家都叫是姨丈咧開玩笑,路尾大家看到我的鼻孔煞嚇嘎馬上合我送到診所檢查,診所ㄟ醫生講:「伊的鼻孔甘那有一粒電池佇內底，這我遮沒法度處理餒,但是恁愛趕緊合依送到大病院喔」,路尾大家把我送到長庚,長庚醫生講:「恁是囝囡ㄟ家長喔？奈會赫嚴重才送來？嘿電池已經生鏽而且驕伊的鼻孔黏做伙啊。假使講電池若無提出來，到時只好愛開刀啊。」所以大家攏驚嘎面青筍筍。好佳哉，電池路尾有提出來。職馬我閣轉去那間診所,那個醫生都亦還認即我,他達擺攏會講：「啊你就是提電池塞鼻孔彼個嘛。」
閣有,我國小三年的時陣,我佮我的堂兄很愛在過年的時候放炮仔,所以有一介阮媽媽就tsua我和堂兄去放炮仔,因為有一咧炮仔不細利去炸到別人ㄟ門腳口,所以過無外久有一咧老阿婆出來佮阮罵,我媽媽就一直gan悔失禮，但是彼咧阿婆煞越罵越歹聽。毋拘，阮媽媽嘛不是會應hong罵好耍的人，所以阮媽媽就跟阿婆相罵,因為那個阿婆罵不過我媽,所以伊就找一個打手來贊聲，結果咧，因兩個人還是乎阮媽媽洗臉轉去,雖然我感覺媽媽真無辜,但是我跟堂兄亦是踦在邊仔偷笑。
經過遮ㄟ代誌,乎我感覺我的人生故事實在真心適,也因為經過提電池塞佇鼻孔這件代誌，乎我學到做任何代誌進前，攏愛詳細想看覓，才bue做出傷害別人佮傷害家己的代誌。.
我的人生我自己做主(竹圍國中 徐筱蓓)
咱人的一生難免有起起落落，嘛難免會堵到一寡鹹酸苦澀，所以每一個人都要去學習
面對困難，按怎衝過難關，向自己的興趣行落去，我嘛是仝款。
咱人的生命就是這呢啊寶貴，所以自己的人生就愛自己做主，才bue乎咱的生命留落遺憾
咱的人生是無法度排演的，每一刻都是現場直接播出，所以就愛活惦現實。拍拼未
來的路，未來掌握佇自己的手中咱應該選擇一條自己尚甲意，嘛尚適合自己的路，
選好了後就毋通躊躇要向著目標勇敢行落去。大家都說:有夢上水，咱愛腳踏實地去打拼。
細漢的時陣，我有跟阿嬤作伙去辦桌，就開始逗腳手，譬如講洗菜，排冷盤，鬥旁菜、
收菜尾看到大家吃嘎足歡喜，呵咾講辦甲有夠傳統，有夠好吃，我才感覺原來煮好吃的料
理乎人呷，嘛會當帶乎大家幸福的滋味。
所以大漢了後我想要和阿嬤仝款做一個總舖師，甲阿嬤的傳統手藝傳落去。
雖然阿嬤講:「憨孫啊，麥啦~做總鋪師足辛苦ㄟ。你看阿嬤ㄟ兩支手都有刀傷跟燙傷ㄟ
疤痕，做總鋪師不是遐呢簡單的哦~」有時陣阿嬤會叫我嘎伊抹藥啊，我看到伊的手實在
是足不甘ㄟ。我想阿嬤是不甘我跟伊同款啊辛苦，但是我知影只要我肯用心拍拼，不驚
呷苦，甲呷苦當作是呷補，安呢未來的路一定會閣卡開闊，閣卡安心。
在這個世界上天才是真少的，無任何一個人是會應毋免付出，就會白白得到一
切的，傢伙是未對天頂跋落來的。所以我就應該愛閣卡用心學習，好好打拼，創造
屬於自己的一片天地。嘛有一寡人認為自己真厲害，所以就毋肯好好啊拍拼，
歸工佇外面弄留連，這是錯誤的想法。那換作是一個憨人，一旦肯下苦工去打拼，
嘛會當乎自己行向成功之路。只要去堅持去拍拼，就算講是憨人嘛有成功的一工。
我不是一個天才，所以我愛開比別人閣卡濟時間來學習。別人可能需要1點鐘，
就學會曉一件代志，我煞愛用2點鐘，甚至3點鐘才學會曉仝款的代誌。就算講
是安呢我嘛願意拍拼。雖然拍拼無一定會成功，不過成功往往攏需要打拼。
有一寡人失敗了後，就無閣再拍拼，嘛就永遠攏爬 bue起來阿；嘛有一寡人失敗了
後煞毋識放棄，所以只要好好啊加油，總有一工嘛是會成功ㄟ。
會堪得失敗的才是勇者，會堪得大風大湧考驗的才是敖人。
我的人生，充滿希望跟勇氣，俗語說:「行行出狀元。」只要有心，石頭嘛會變黃金
生活中，有真濟代誌咱無法度控制，不過人生是自己的，咱會應決定自己的人生。
就算未來堵到再大的困難，嘛愛繼續向前衝!衝!衝!
題 目：台灣的地名
校 名：西門國小
班 級：一 年五班
姓 名：柳宏霖
指導老師：黃奕婷
桃園市閩南語說故事比賽—決賽演講稿
大家好，我是6號「桃園緣投阿桑」柳宏霖，我今天要跟大家介紹的是台灣的地名﹔先說我們在地桃園，「桃園」是因為以前有人在這種桃仔樹，所以叫做「桃仔園」，後來才叫做「桃園」。
我們桃園實在是一個好所在，不只好山好水，也有很多名產，比如說：復興的水蜜桃、大溪的豆乾、觀音的蓮花、龍潭的花生糖…，還有最重要的是咱桃園人熱情擱好客!
當然除了桃園，咱台灣還有很多很好玩的所在，清朝皇帝嘉慶君，也曾來過台灣，留下很多傳奇故事，接下來就讓我帶大家遊台灣啊!
古早屏東是阿猴， 高雄又名是打狗，台南古都赤崁樓 ，永康叫做埔姜頭。
白河舊名是店仔口，北斗土名是寶斗，人說台西是海口，清水叫做牛罵頭。
新竹以前是竹塹 ，嘉義舊名是諸羅山，隆田叫做番仔田 ，阿公店是叫做岡山。
竹山的蕃薯說尚介讚，鹿港珠螺是名產，麻豆好吃是文旦，人講寶島是台灣。
閩南語講故事比賽 低年級組-題目：蛇郎君 （蘆竹區錦興國小-蕭宇珊）
各位評審老師，各位同學，大家好，今仔日，我要講的故事是：蛇郎君
蛇郎君，原本是一隻小尾蛇，他修練了千多年，又擱閃過雷公、閃電等等的刼數，才ㄟ凍變成人的模樣，玉皇大帝就派伊，去替王母娘娘看顧花園，所以伊對所有的花草，攏金疼惜。
最近，蛇郎君發現一個老阿伯仔，每天透早都會去郊外摘走三朵花。蛇郎君就生氣ㄟ，當場變成一隻就大尾的蛇，將老阿伯仔纏起來，嘎他說：
「你，每天攏來偷摘我的花，今仔日，若是無賠償我，我就甲你拆吃落腹。」
「饒命啊！我摘的花是欲給阮三個查某囝，我嘛不知要安怎賠你才好。」
「這今簡單啊，你就甲其中一個查某囝嫁給我做某，就好啊！」
老阿伯仔返去將這件代誌說給他三個查某囝聽。結果，甘那最小漢的尚有孝，甘願要嫁給蛇郎君，救她阿爸的性命。
小妹仔才嫁沒多久，賢怨妒的二姊，看到蛇郎君緣投擱好額，竟然心肝抓攤橫，將小妹仔害死，才擱妝做小妹仔的模樣，和蛇郎君做伙生活。
可憐的小妹仔，死了後變成一隻鳥仔飛回來，將所有的代誌都投給蛇郎君聽。蛇郎君氣一下，就叫來好幾隻飯匙倩，將歹心肝的二姊活活驚死。
這個故事，是要跟咱講：做人要友孝，不通歹心肝；而且，野外的花草，嘛不通黑白摘，安內，才袜被蛇郎君娶去做某喔!
我的故事就講到這，多謝大家！
慈文國小低年級組5號姚沐恩
各位評判老師、各位參賽的同學,逐家好。我是第o 號。今仔日我欲講的故事是 : 「阿花和阿舍」
古早有一个賣花的阿花，伊真散赤，毋過誠知足，逐工透早攏那賣花閣那唸歌。阿花的厝邊蹛一个虯閣儉的阿舍，惜錢若命，真驚錢會拍交落，逐工顧錢到天欲光，拄想欲瞇一下，就去予阿花的歌聲吵精神，阿舍真想無? 隔壁那个阿花，花都賣袂出去，哪會有心情唸歌詩? 阿舍真好額，顛倒逐工面憂面結無睡飽。 哪會按呢? 阿舍想講若會當用錢買一寡仔睏眠毋知有偌好咧?
有一工，阿舍想著一个撇步。伊講為著欲感謝阿花迷人的歌聲，想欲送阿花黃金100兩。阿花一世人毋捌看過遐爾仔濟錢，歡喜甲那唱歌那踏腳花。就按呢，對彼瞑，厝內若是有淡薄仔聲，阿花就掠做是賊仔來矣，逐暗攏睏袂落眠，規个人消瘦落肉，顛倒是阿舍逐早起無人吵，攏嘛睏到日頭曝尻川。
尾矣，阿花決心欲共黃金𢯾還阿舍，阿花講 :「為著遮，我袂食袂睏，心情鬱卒，我想我也是賣花，按呢，有通食，有通用，日子有得過就好矣。」
「花藍內芬芳香味，引起阮想著彼當時，阮做著賣花姑娘，惦在街路邊……」(賣花女之戀 的歌詞)
今仔日我的故事講到遮, 多謝逐家!
各位評判老師，各位鄉親序大，佮在座的好朋友，逐家午安，逐家好，我是編號第○號，今仔日我所要講的是：
咱桃園是一个好所在 楓樹國小高年級林欣儀
咱桃園是真正美
好山好水好地理
土豆糖好食閣袂黏齒
水蜜桃是芳擱甜
豆乾好食擱紲喙
來食活魚飽擱省
要買香菇自己撿
來去 山看風景
坐飛機著看天頂
大溪的干樂世界第一等
咱桃園有三好，第一是「風景好」，桃園拉拉山的神木是咱台灣最濟神木的所在，若那虎頭山公園抑是運動 山的好所在，人講：「天然的尚好」，因攏是咱桃園的寶，歡迎逐家有閒就來遮遊山玩水，看風景兼 迌。第二好是「交通好」，桃園除了有國際機場以外，閣有台鐵、高鐵、高速公路，會使呼咱台灣走透透，甚至是出國旅行，攏真便利。第三好是「環境好」，因為土地公有保庇，風災水災地震真罕見，予你蹛這安心閣免厭氣。桃園從幼稚園到大學，什麼學校攏有，予你要讀書免煩惱，而且是近閣好。所以講桃園的這三好就是咱桃園的三寶，抑是咱桃園人的福氣啦！
紲落來，沒講你不知，咱桃園除了有三好，閣有「三濟」，第一多是「飛機濟」，因為桃園國際機場，逐工來來去去的飛機濟甲予你算抹清，算甲手會抽筋。第二多是「族群濟」，咱桃園不但有河洛人、客人、外省人、原住民，閣有新住民，在咱桃園不分外來和在地，大家共同為桃園拍拼，創造一个咱家己的幸福城市。第三多是「土地公多」，干焦咱桃園區土地公廟大約都有三百外間，古早人佇咧講：「有吃藥有行氣，有燒香有保庇」，土地公逐工佮咱顧厝站衛兵，福地福居護眾生，創造好山好水好地理的好環境。
最後，歡迎大家有閒常來桃園走走看看，不一定你會發現咱桃園有閣較濟好佮美的所在。
題目：我的弟弟要吃潘
校名：中壢國小
班級：二年二班
姓名：詹洛雅
指導老師：楊霽月老師
我是第一號,各位評審,各位在座的朋友,大家好,我今天要講的是：
『我的弟弟要吃潘, 我的弟弟要吃潘』
這是一個,發生在阮厝裡的笑話，因為在阮家,阮隆講台語。
我今嘛是國小二年的學生，我的小弟也在學校讀冊，
開學時，在學校用午餐都會調查，每一個人是吃葷或吃素食?
有一天吃完晚餐時， 我就拿出調查表請媽媽幫我寫!
媽媽就問我：妳要吃『葷』還是要吃素？
我就說：我想要吃素,因為吃青菜較健康.
媽媽也問弟弟：你也吃素,好不好?
愛吃肉的弟弟緊張甲：我不要！我要吃潘！我要吃潘！
一家伙仔聽了到（隆）嚇一咧!
阿嬤就問弟弟：你真的要吃潘？
弟弟就說：是呀！是呀！我沒肉是無法活下去的!!
阿嬤又說：潘是咱把吃剩下的飯菜，拿去餵豬，叫做潘。你要吃哦?
弟弟聽到：不是啦！不是啦！我是說：我吃『葷』，不是要吃潘！
原來弟弟把『葷』，說太快變成潘啊。真是一丈差九尺!
以上是我今天要說的笑話，多謝各位！
小蝌蚪找媽媽 仁和國小 周鉦宸
溫暖的春天來了，青蛙媽媽在水草上生下很多很多的卵。
過了幾天，黑黑的卵變成了一群可愛的蝌蚪。
有一天，牠們看到鴨媽媽和小鴨子在玩，
就想到自已的媽媽在哪裡呢？
蝌蚪們就問鴨媽媽說：「請問妳知道我們的媽媽長得怎樣？」
鴨媽媽說：「你們的媽媽有一雙大眼睛、嘴巴很大。」
蝌蚪們看到一隻大嘴巴的魚，就游過去喊：「媽媽。」
魚笑著說：「我不是你們媽媽，你們媽媽有四隻腳。」
蝌蚪們看到一隻烏龜，就游過去喊：「媽媽。」
烏龜笑著說：「我不是你媽媽，你們媽媽肚皮是白色的。」
蝌蚪們看到一隻白肚皮的鵝，就游過去喊：「媽媽。」
鵝笑著說：「我不是你媽媽，你們媽媽會『嘓~嘓~』叫。」
這時候，蝌蚪們看到青蛙在唱歌，
就游過去小聲的說：「請問妳有看到我們的媽媽嗎？」
青蛙笑說：「傻孩子，我就是你們的媽媽。」
「咦~為什麼我們長得不一樣？」蝌蚪說。
「你們長大就會和媽媽一樣。」青蛙說。
蝌蚪們找到媽媽了，實在太好啦!
台灣俗語有說：「在生有孝一粒土豆，較贏墓邊拜一粒豬頭。」有孝父母要趁金馬。我的故事到此結束，謝謝大家。
虎姑婆 仁和國小 林莉潔
有個老虎精住在深山林內，他是千變萬化的大妖怪，她變成賣李子糖的人大聲吆喝：「李子糖，香又甜，送人吃，不要錢。」小姑娘真么鬼，正要吃一口，老虎精就把她拆吃落腹。
吃一個還是不太飽，她看到一個媽媽對兩個小孩說：「等會姑婆會來我們家，你們兩個要乖乖聽話。」講完就出門了。這時候，老虎精變成姑婆的模樣，輕輕敲門說：「孩子乖乖，緊把門開給姑婆近來。」阿香開門拿椅子給姑婆坐，一坐下，坐到大尾巴，痛甲伊唉唉叫！
晚上，阿香睡到半夜給一陣怪聲吵醒，輕輕說：「姑婆，姑婆妳聽聽，怎麼會有怪聲？」虎姑婆一伸手就把阿香抓起來，阿香說：「我已經認命，不過生吃味道差，炸一炸味卡香。」老虎精說：「要怎麼炸？」阿香說：「先起火、燒油，我再跳下鍋。」老虎精起火一邊吹風，一邊問：好了沒？好了沒？趁這個機會阿香把油鍋一推，燒滾滾的油淋在老虎精頭上，「砰」一聲！老虎精就死在地上。
題目：義賊廖添丁
校名：蘆竹區光明國小
班級：二年9班
姓名：葉劉謙
指導老師：黃瓊如
講稿參考資料：真平台語網
各位評判老師，各位小朋友，逐家好，我是第三號，今仔日我欲講的故事是「義賊廖添丁」。
日據時代，佇臺灣，有一个頂港有名聲、下港上出名的人物，臺灣人若聽到伊的名，大姆翁立在咧，呵咾伊是一个英雄好漢；啊若是日本人，抑是漢奸走狗聽到，包穩隨个啊隨个，抖到摔落塗跤做狗爬，這个人就是，鼎鼎大名的廖添丁！
添丁出世佇臺灣中部，自細漢就無父無母，無序大人教示，紲來學歹做賊。
這个時陣，壓霸的日本人四界欺負臺灣人，添丁雖然做賊，毋過，嘛是一个有血有目屎的查埔囝，伊哪會有法度目睭金金看阿本仔作威作福，伊決定劫富濟貧，將偷提來的不義之財，分予散赤人，逐家非常感激伊，就共伊號做「義賊廖添丁」。
添丁一工無掠到，阿本仔就睏袂落眠，因為添丁有一身好武藝，爬厝頂敢若咧行灶跤，跤稍踩一下，兩三層樓仔就跳起哩，阿本仔猶爬到怦怦喘，人伊早就走到無看影。
可惜，後來添丁予人出賣，紲死佇阿本仔的銃子跤。
廖添丁雖然是一个賊仔，毋過，伊劫富濟貧，佮對抗阿本仔的勇敢精神，永遠留佇臺灣人的心肝底。
我的故事到遮結束，多謝逐家！
題目:咱桃園好所在
學校:海湖國小 班級:五年乙班 姓名:吳怡慧
指導老師:蔡桂珠
各位評判先生、各位來賓、各位小朋友逐家好!我是第 號，今仔日，我欲講的題目是:「咱桃園好所在」
來!來!來!看!看!看!緊來緊看!慢來減看一半!《桃園是一个好所在，十三區敆起來，有四區是倚海，地勢較懸水好排，石門水庫好灌溉，保留埤塘顧生態，名產真濟冠全台，內山出產水蜜桃，工商發達生活好，交通建設有效果，逐家出門免煩惱! 》咱桃園市攏總有13个區，每一區攏有伊特別的所在!今仔日，就予我來向逐家介紹我的家鄉，抑就是「國門之都-南崁」。
南崁是一个好所在，聽我來講予恁知，頭起先，我來向逐家介紹南崁的後花園-「坑仔」，遐有塗墼厝、鯪鯉(lâ-lí)步道，若到「坑仔」tshit-thô一定愛去頂社參觀強欲無去的傳統手工文化-瓜笠仔，遐有真濟無仝款的瓜笠仔，逐家嘛攏會戴瓜笠仔翕相做紀念，有夠趣味的!
紲落來，會使去參觀人咧做蘆峰茶，看茶農咧做茶，咱才知影原來做茶是遐邇仔辛苦!對挽茶、曝茶到烘茶，攏愛用心焙，上無愛一工佮一暝，才有法度享受著清芳的冠軍茶，阮蘆竹區的蘆峰茶，無管你是欲泡燒的，抑是泡冷的!攏有伊特別的滋味，佇遮我會推薦逐家用罐仔貯冷滾水，囥一寡仔「蘆峰茶」入去冰箱冰，過兩、三點鐘久才共提出來啉，就會當享受著正港的蘆峰「冷泡茶」，保證予恁止焦潤喉透心底!
落尾，我閣來共逐家介紹一个看夜景的好所在，彼就是山仔跤的「大古山」，除了看飛行機飛起飛落，佇日黃昏的時，會當看著誠媠的紅霞、規陣的白鴒鷥自由自在佇遐飛有夠媠的!到暗時，天星就會開始出來共逐家拍招呼！當然!桃園猶有真濟好所在我無介紹著!希望後擺若有機會，我一定會詳細報予恁知!今仔日，我就講到遮，感謝逐家!
題目: 我上佮意落雨天
學校:海湖國小 班級:三年丙班 姓名:林妤庭
指導老師:蔡桂珠
各位評判先生、各位來賓、各位小朋友逐家好!我是第 號，今仔日，我欲講的題目是「我上佮意落雨天」。
逐家攏知影，咱桃園這个所在，春天是毛毛仔雨落袂離，熱天就有西北雨、風颱雨，予你閃甲無路通覕，抑若是寒天，落彼冷吱吱的冬雨，是會予人寒甲半小死。若感覺天色毋對，阿爸教我毋通傷鐵齒，「好天就賰雨來糧」，上好共雨傘、雨衫紮咧，較袂予雨淋甲澹漉漉。
落雨天，對真濟人攏無方便。街路上，閃雨縫的人，滿滿是，計程車的生理是特別好，有錢無一定坐會著!落雨天對阮來講嘛是大代誌，干焦欲去學校讀冊，一四界攏沓沓滴滴，我頭殼就mooh咧燒！毋知欲按怎行去學校?雨衫外口咧落雨，雨衫內底咧滴汗，實在攏袂快活。到教室，雨衫閣較毋知欲按怎收，有當時仔，毋管伊三七二十一，凊彩摺摺咧，袂輸咧漚鹹菜，共伊櫼tsinn踮椅仔跤。
「西北雨直直落，鯽仔魚欲娶某…。」熱天的下晡，常常會落一陣西北雨。「西北雨落袂過車路」，一下仔，雨就停矣。這个時陣，樹仔、花佮草攏洗好身軀矣，有夠清氣、有夠媠的啦!寒人的時，會落毛毛仔雨，我上愛坐踮戶碇，伸手去承簾簷跤一滴一滴若真珠的雨水，寒甲手是紅記記，阮阿母會真毋甘，就會叫我緊入去厝內。有當時仔，我會趁阿母無注意，雨傘攑咧，走出去耍予歡喜，阮阿母嘛無法度我!
好天有好天的景緻，落雨天有落雨天的趣味。落雨天，雖然小可無方便，毋過佇我的心目中，是上有感情的天，所以我猶是上佮意落雨天。毋管是好天抑是歹天，逐工攏嘛是好日子。今仔日，我就講到遮，感謝逐家!
咱桃園是好所在
咱桃園是好所在-南美國小高年級王芸茹
桃園好!桃園好!四界通人蚵咾，桃園好所在阿!好所在。
各位評判先生，各位貴賓，囝仔兄，囝仔姊，大家好，我是( )，今仔日，我卜講e是「咱桃園是好所在」。
桃園是一個好所在，有高山、平地、漁港，夜市仔，大學有十外間，山頂有山產，海裡有海產，平地有農產，有人山裡討食，有人海裡討掠，山頂、田庄、海邊，風景變化萬千，有足濟好所在，我上愛去石門水庫、虎頭山、小烏來這些一等一的風景區。
石門水庫邊仔e石門山是遊山玩水的好所在，遠山近水，親像一幅美麗e畫，花樣千變萬化，這款的風景不輸出國觀光咧!
竹圍仔港，永安漁港是桃園海產的來源，也是觀光的好所在；海沙埔，紅樹林，夕陽，美麗的景色，使人懷念。
廟寺是咱桃園人的信仰中心，精神的依靠，心靈的寄託，是桃園藝術文化。國際機場、 高鐵青埔站、捷運站、航空城的規劃是咱桃園重大的建設。
桃園的名產是濟又讚，上學期老師帶我們去參觀作茶米e過程，甘甜的茶米茶，到今還誠數念。
熱天的時陣，阿母會帶我去觀音賞蓮花，順便到新屋呷鵝肉。
歇睏日我上愛去住在眷村的阿嬤家，眷村故事館，眷村手路菜真特別。
桃園四界有夜市仔，貨色齊全，親像台南迎媽祖，無奇不有，四秀仔應有盡有，是我最愛去的地方。
桃園好山好水好地方，天時地利人和相結合，桃園人搰力勤儉打拚，創造美好家園，咱作伙來疼惜桃園這個好所在，這就是桃園人的福氣啦!
我講完了，感謝大家。
我上佮意e囝仔歌
南美國小中年級顏瑪函
我聽過、唱過的囝仔歌有真濟，親像十二生肖、天黑黑、貧憚仙，其中上佮意e 是天黑黑。
(天黑黑，欲落雨，阿公仔夯鋤頭卜掘芋)那聽到這條歌，我就想起住台南e阿公和阿嬤。阿公講：古早無氣象報告，卜知影天氣e變化，就要靠家己觀察，黑云飛上山，棕sui提來幔，天色起報頭，就知影卜落雨啊！做田人總是卡認命，把食苦當作食補，落雨之前要tshun一寡草菜，那無……遇到下久長雨，是要配菜脯。以早e人看卡遠、想卡長，不像現此時e人，未落南就要食落南米，落袋不時裝pong只。
(掘啊掘，掘啊掘，掘著一尾旋鰡古)本來是袂掘一寡芋仔，誰知雄雄煞去掘到一尾雨鰡，哇！今晚可以加菜，阿公歡喜佮一個嘴ㄚ裂獅獅，手捾雨鰡回到門口，大聲喊：老ê，我掘到一尾雨鰡。(伊啊嘿著真正趣味)
(阿公卜煮鹹，阿嬤卜煮汫，兩人相拍弄破鼎)，阿公講，煮鹹e，吃卡e下飯，阿嬤講，這……袂那e應？吃尙鹹是會血壓高。亻因兩個老尪仔某，總是愛盤嘴錦，一句來一句去，誰也不認輸，落尾，轉生氣，煞相扑，一聲無細二，煞把鼎弄破去。卜知影食不到魚仔，當初麼把魚剁成二截，一半煮鹹，一半煮汫，按呢二人攏贏，就不會弄破鼎。
(伊啊嘿著啷當此噹嗆，哇哈哈)本來是一件好代誌，因為意見袂合，煞變成空。
天黑黑這條歌不但教咱觀察天氣e變化，也啟示咱：人和人作伙要互相包容，毋通常常吵吵鬧鬧，才不會有糾紛，家和萬事興，家吵是萬世窮。
這條歌好聽又趣味，才誠作我上佮意e囝仔歌。
題目:我上佮意的運動
校名及班級:中原國小四年二班
姓名:廖明威
指導老師:范嘉云
各位評判先生，各位參賽的好朋友，逐家好！我是第 6 號。
今仔日，我欲演講的題目是：我上佮意的運動，我上佮意的運動。
我上佮意的運動就是騎跤踏車，這是我頭一个接觸的運動，恁逐家看我漢草遮爾好，好看閣有範頭，因為佇我細漢的時陣，阿爸開始利用歇睏日 我出去運動，嘛是佇彼當陣，我開始騎跤踏車。想袂到這是我人生的大轉變，我漸漸騎出興趣，體質嘛慢慢仔改善，體力愈來愈好呢！這馬的我勇甲親像一隻牛咧！
細漢的時，我猶袂曉騎跤踏車，對四輪的沓沓仔學，彼當陣也因為體力無夠，騎甲跤痠手軟，強強欲袂喘氣！騎兩輪的時，閣定定跋甲跤骨烏青凝血，彼當陣足想欲放棄，無想欲學矣。毋過阿爸真有耐性，伊慢慢仔共我牽教，經過一擺閣一擺的練習，我漸漸進步囉！到這馬連變速車嘛已經騎甲真好矣。
紲落來，阿爸閣𤆬我去跤踏車專用道騎，對木柵動物園一直騎到艋舺，閣騎倒轉來，彼種運動流汗的感覺，雖然足辛苦，毋過我感覺真有價值，毋但訓練我的體力佮意志，日子嘛過了真快樂。
舊年的時陣，我佮阿爸的朋友，去嘉義朴子溪邊騎跤踏車，騎到嘉義鰲鼓溼地的海邊仔，朴子溪的風景真媠，尤其是鰲鼓溼地的生態真正是百百款，想著騎跤踏車會使運動，閣會凍看著無仝款的風景，真正是「一兼二顧、摸蜊仔兼洗褲」。
雖然這馬的功課愈來愈濟，我仝款會利用時間去騎跤踏車，因為騎跤踏車的運動，毋但予我體力好、精神爽，嘛予我的身體閣較勇健。各位朋友啊!咱逐家做伙來騎車運動，心情會真輕鬆，逐家一定愛試看覓喔!我的演講到遮，感謝大家！
題目:我上佮意的運動
校名及班級:中原國小四年七班
姓名:盧柏睿
指導老師:范嘉云
各位評判先生，各位囡仔兄囡仔姊，逐家好。
我是10 號，今仔日我欲演講的題目是「我上佮意的運動」。
電視頂唱著「踅來踅去騎阮的跤踏車，等待你下課陪你逐工鬥陣行，輕輕心內話伴著車輪跤踏聲，阮的希望攏寄在遐…」對！這就是我上佮意的運動「騎跤踏車」。我上佮意的運動是騎跤踏車，因為騎車會當鍛鍊身體，跤踏車毋免加油，袂排廢氣，是一項足環保的運動。
佇我閣真細漢的時陣，阿媽送我一台鐵馬仔，細細台仔真古錐，會記得伊是一台藍色的跤踏車，彼當陣我猶真細漢，阿媽講：「阿孫仔，等你大漢才買較大台的予你。」這台細細台仔的跤踏車真好騎，伊陪我渡過幼稚園的時間，嘛予我有騎車運動的好習慣。
逐工轉到厝內，毋免阿爸阿母的交代，我一定會足緊共功課寫好，和厝邊頭尾的囡仔做伙去騎我上佮意的跤踏車，轉來了後，我的心情真輕鬆，看著阿母已經共暗頓攢好矣，等規家伙仔同齊食飯，真希望明仔載會當趕緊來，我閣會當去騎我上佮意的跤踏車。
讀國小了後，功課愈來愈多，騎車運動的時間煞愈來愈少，干焦放假的時陣，才有機會騎著我上佮意的跤踏車，這馬這台車是我考試考了真好，阿爸送予我的，我定定騎伊踅阮兜附近的公園，看著大大細細的樹仔佮花草，聽著鳥仔聲，嘛有人佇遐放風吹，規个人心情攏輕鬆起來。
騎跤踏車是一件真快樂的代誌，因為騎車的時陣會有微微仔風吹來，予人感覺「心涼脾土開」。希望我將來會當騎鐵馬仔踅規台灣，親目睭看咱台灣有偌大，風景有偌媠，這就是我上佮意的運動「騎跤踏車」。我的演講到遮結束，多謝大家。
我尚甲意的好朋友 (大崗國小四年乙班駱苡芃)
我有真濟朋友，其中最佮意的是阿美，伊有圓滾滾的大眼睛，烏溜溜的長頭毛，真靈的鼻子，iau kiau的身材，迷人的背影，還有一顆善良的心。我們常常做伙破豆，做伙到運動埕耍，跟伊做伙e每一天攏真歡喜。
阿美不但有好口才，也是畫圖的高手，更加是老師的好助手，同學的囝仔伴。老師交代的任務從來袂拖沙，馬袂奸巧，做代誌阿莎力；同學遇到困難時，她常常會主動幫忙，記得有一次，班上阿明感冒，身體欠安，吐甲歸塗跤，大家攏驚甲不知按怎辦，這時陣阿美自動跑去拿布拖仔、水桶鬥參共，大家看伊這麼熱心，就跟著伊做伙做，將垃圾的桌子、椅子、地板上下慢慢地整理清潔，連原本不敢摸e我也不怕了，她真是一個好同學，大家都很喜歡她。
以早，我是一個祕思的鄉下囝仔，不愛運動，也沒同學會找我𨑨迌，下課時常常一個人孤單地坐在教室裡，逐擺想要甲同學𨑨迌，大家攏嫌我笨車車，不理我。我就恬恬看大家玩，足希望我是一個俐落大方、受歡迎又閣腳手猛掠的女孩子，這樣我就會使有很多朋友。
逐擺我若是孤單寂寞的時候，阿美就會來關心我，陪我開講，牽著我的手去散步，、溜滑梯和幌韆鞦，真趣味！她對我很好、逐擺我代誌哪做不好，想要放棄的時候，她攏會安慰我、鼓勵我，陪我做伙完成，伊講：打斷手骨是會顛倒勇，戲棚下是企久人e，伊教我很多代誌，伊讓我親像刺毛蟲一樣，慢慢變成美麗的尾蝶仔，慢慢仔展現出自信，讓我體會信心就是力量，慢慢的我有很多好朋友，也多了許多古錐的笑容。
我有阿美這個好朋友是一件足好運、足歡喜的代誌，雖然有時候會鬥嘴鼓，但是一下子就和好了，她幫助我很多，也教我很多代誌，讓我在學校過的歡歡喜喜。希望我們能做永遠e朋友，親像師公仔響杯同款，褲頭永遠節相連。
我的人生
人生就親像是一段時間旅行，好比春夏秋冬的流轉，順著自然的變化，咱人的運甘是出世就來注定?人生的路要怎麼走才會快活?
至擔，我已經過了十四年的人生，我出生在一個不完美的家庭，這一直是我心中的遺憾，在我小漢時，阿爸和阿母因為個性不合常常吵架最後離婚收尾，阿母離開家之後的日子，我常常作惡夢，每次從夢中醒來，總是滿臉目屎，我心裡惦惦承受著失去母愛的悲傷，沒阿母的日子，我很早就要學習獨立，凡事都靠自己來解問題，家裡的工作、困難的功課、心事不知要講給啥人知，心酸的滋味一直在我的生活中常常出現。阿爸賺錢有限，免強應付生活上的開銷，沒有多餘的錢能讓我去補習班，那時的我感覺到錢的重要，沒錢是萬萬不能。我羨慕別人的家庭，我期待我也有一個幸福的家。
自小漢，我的功課一直都是吊車尾，常被同學笑我是笨桶，因為這樣感覺很自卑，常常在棉被裡流著傷心的眼屎，阿爸知影之後，他很不甘我，安慰我說:「別人對咱的看法是不能改變的，只要咱感覺自己是有路用的人，隨在別人怎麼講，咱做自己熊實在。」阿爸的話我記牢牢，他給我一種力量，不管外面的批評有多惡毒，都能讓我堅強的度過一切的困難，那時的我深深體會到阿爸的愛，親情的可貴。
現在的我是國中生，也了解很多人情世事的道理，阿爸曾教我:「做人要誠懇，腳踏實地，不通肖貪，肖貪就會鑽雞籠，最後吃虧的是自己。」我的阿爸很老實，肚量很寬不愛跟別人計較輸贏，有一種知足的快樂，我也想要像他同款。
未來的我，人生就要詳細安排，逃一個目標是讀職業學校學技術，做設計是我的興趣，我會認真打拼，達成目標。我的阿嬤不曾讀過冊，不過伊認很多代誌，伊講人生的路是自己走出來的，若是少年不會想，吃老就會不晟樣，伊常常跟我提醒，社會很複雜，路是坎坎坷坷，困難是層層疊疊，眉眉角角要斟酌，你要吃苦當作吃補，阿嬤的話讓我有認真聽。
我人生的目標簡單實在，未來有一個好ㄤ賽，讓子兒細小有愛的環境，不敢肖想榮華富貴，只要可以知足快樂，相信天公伯呀會把骨力的人逗衫工，我會認真過生活，為著美麗的人生向前行。
我上甲意上的課
山腳國小中年級-林文心
自我上國小三年以後，欲學的科目變甲足濟，國語、數學、社會、自然，逐科攏予我讀甲「一粒頭，兩粒大」干焦上台語課，輕鬆、趣味閣免考試，是我上甲意上的科目啦！
台語老師上課的時，會教阮趣味的俗語甲孽畜仔話，予阮學著真濟祖先的智慧，譬論講：「食果子就愛拜樹頭，食米飯就愛敬鋤頭」，「阿公娶某—加婆」，有時陣，老師嘛會講一寡笑詼予阮聽，老師講：「有ㄧ工，有一個阿婆去買早頓，頭家問講：「阿婆，『加蛋』愛加十箍喔！」，阿婆隨應講：「蛤！愛加十箍，那按呢我遇外口等，無愛佇遮等啦！」蛤！你講啥？原來華語『加蛋』甲台語「遮等」是同音啦！閣有一個空中小姐服務真週到，伊甲人客講：「各位貴賓，您的墓地到啊！請毋通袂記得您的牲禮喔！」啥米！我還未死咧！去墓地創啥！聽了逐家攏笑甲腹肚疼，原來台語若講了無正確，就會產生真大的誤會。有當時老師嘛會予阮分組趣味競賽，為著欲贏，逐家攏步數盡展，有夠緊張矣！
上台語課甲其他的科目攏無同款，予我輕鬆自在閣快樂，所以講上台語課是我上甲意上的課啦！
桃園好食物
山腳國小高年級-戴妘倩
「好所在，佇佗位？桃園名產上續喙，拉拉山桃仔芳閣甜，大溪豆乾古早味，竹圍仔漁港海產鮮，石門活魚好滋味，好食好耍的滿滿是，世外桃源就是伊。」
若講著咱桃園這個好所在，毋那風景美麗，閣有好食的在地名產，每一項攏是上讚的伴手禮，即馬就予我來報予逐家知。
頭一項欲向逐家介紹的是「頂港有名聲，下港上出名」的大溪豆乾，只要行到大溪老街，「三跤步，一崁店」，賣豆乾的滿滿是，上蓋好食的是傳統口味的烏豆乾啦！因為彼是用在地甘閣甜的地下水質，加上芳貢貢的滷汁，製造出口味特殊的五香烏豆乾，保證予你愈食愈續喙喔！
來到桃園一定愛到石門水庫行一誓，因為來到遮，毋那會當欣賞附近美麗的景緻，閣會當食著鮮鮮鮮的活魚，現掠現thai，一尾魚仔會當分作幾若種無同款的料理，真正是「一兼二顧，摸蛤仔兼洗褲」。
俗語講：「食魚食肉抑著菜甲」，魚魚肉肉食規腹肚，就愛食一寡果子仔，咱拉拉山的水蜜桃，幼綿綿又閣白抛拋，咬一喙，嗯----甘甜多汁的滋味，真正有ㄧ種幸福的感覺，食了保證予你青春美麗閣長歲壽喔！
桃園的名產実在是濟甲三暝三日都講袂透，有閒歡迎逐家作伙親身來體會這個仙境喔！
˙題目：恁欲食啥？我來煮
˙學校：建國國中 ˙班級：208班
˙姓名：林羿翰 ˙指導老師：黃怡芳
各位評判先生、各位同學，逐家好！我是第7號今仔日我欲講的是「恁欲食啥？我來煮」
歇熱，是阮做學生囡仔上甲意的一段時間，尤其最近這麼熱，大家都躲在家裡不愛出門，不過網路上ㄍㄨㄢˊ的人面冊卻是真熱鬧，剛開始，大家在上面喊無聊，直要抓蝨母來相咬；閣來，就有人開始投 父母足gau念，不是念他們「貧惰！」「荏懶！」就是講他們「哪毋緊去讀書？」到尾啊就說甚麼「少年若袂曉想，食老就毋成樣。」雖然阮阿爸嘛加減會嘎我唸，毋過，他較常講的卻是：「恁腹肚會餓袂？欲食啥？我煮乎恁吃！」無錯，整叢好好，逐家無聽重耽（tîng-tânn）去，佇阮兜不時煮料理予我食的人就是阮阿爸。
阿爸定定共阮阿姊講：「姊姊啊！你有夠瘦矣，莫閣減肥矣。看你想欲食啥，阿爸來煮，保證好食閣袂大箍！」
啊若我咧？阿爸看我讀冊拚甲無暝無日，就共我講：「阿弟仔，你愛緊加食寡仔，才會大箍健，勇身命。來啦來啦，看你想欲食啥，阿爸來煮啦！」是啦！阿爸總是予我食甲精神飽滇去應付學校的功課。
毋過有一擺我讀冊轉來到厝，人忝甲「會呼雞袂歕火」，規半埔擱毋去食飯，阿爸看著就罵講：「沒代沒誌佮人做甚麼班長，代誌瞭瞭，你們老師也很奇怪，什麼事情攏叫你做，你們那班是沒 人了喔！」聽到阿爸安捏佮我虧，心裡當然是不開心，我就應講：「你很奇怪，看到別人欣賞我，有代誌拜託我做，你是覺得很刺眼呵？」我就佮伊大細聲吵。阿爸氣甲心狂火著，講：「好啦！你上 啦，明仔早 早頓家己想辦法，攏免呷你管！」碰一聲！阿爸門摔仔回去房間，客廳內只剩我，跟那台不不叫的電風 ……
閣轉工我愛參加一个足重要的考試，我一精神就看著早頓已經囥在桌頂，有滷雞肉、煎卵包、炒蕹菜，閣有一鼎阿爸家己燃的米奶。食飽，阿母載我去考試場，我問阿母：「今仔日哪會攏無看著阿爸？」阿母講：「恁阿爸閣咧佮你激氣啦！毋過伊嘛是五點外就起來煮早頓，煮好才去倒咧眠床假睏。」聽到遮，我目眶隨紅起來。我知影阿爸猶是驚我餓著，伊只是講話較毋認輸爾。
考試考煞，阿爸來共我載，我想一想就開喙共阿爸會失禮，阿爸面看邊仔，無越頭，笑笑仔講：「好啦！知啦！」佇路的阿爸仝款講彼句：「你想欲食啥，我煮予你食。」我知影阿爸是用這句話表達伊對阮規家伙仔的愛佮關心，所以我就給他應講：「阿爸，你想欲食啥？換我來---煮予你食。」
我就講到遮，逐家勞力！
（934字）
題目:桃園龍潭的故事
校名:山頂國小
班級:5年3班
姓名:唐欣鈺
指導老師:呂吳珍勝
各位評判老師，各位朋友，逐家好，我是第 號，今天我要講的故事是:桃園龍潭的故事。
龍潭區的市中心有一個大潭，大潭的四箍輾轉真鬧熱，逐年的元宵節佇遮有鼓仔燈展覽，
阿爸捌帶我去看過鼓仔燈展覽，尤其是暗時來看，有夠媠，百百款的鼓仔燈，五花十色，遠遠矣看過若像燈海閃閃爍爍，講有偌媠就有偌媠。五月節時，佇遮嘛有划龍船比賽喔！
大潭邊仔有一間廟，元龍宮，佇七月時仔普渡嘛攏有殺豬公比賽，尚大隻著等的閣有賞，
龍潭這馬真鬧熱，聽阿媽咧講：古早時這個所在無水通灌溉，真多田園囥咧拋荒，到甲乾隆十三年間，設置一個埤來灌溉，後來才有凱達格蘭族人佇遮定居，聽說這埤生湠真濟菱角，彼時的人就把這個埤叫做菱潭埤，菱潭埤的南邊會噴泉，傳說遮有泉穴，規年
迵天泉水攏毋捌焦去，假使若拄著真久沒落雨，若是當地的居民誠心去潭邊求雨，天公伯就會賜雨水，遐的人攏認為這個潭有神顯靈，就講這是顯靈的靈潭埤。
聽講有一擺，閣拄著真久沒落雨，潭水一直減少，當地的居民又閣去求雨，毋過連求幾若天猶是沒下雨，這時大家來參詳，看欲按怎來求較好，大家認為講是誠心不夠，袂當感動天，所以就發願愛食三工的素食，袂使食臊，三工後眾人帶著虔誠的心，又閣去潭邊求雨，這時予人料想不到的代誌發生啊，一時間，天烏地暗，雷公爍爁，潭中有一尾黃龍出現，突然間，大雨一直落，自按呢，就無欠水，無洘旱。
對這擺起，就甲顯靈的靈潭埤，改名做同音龍蛇的龍潭埤，阿媽講對清朝時代生菱角的菱潭埤，演變到顯靈的靈潭埤，一直到出現龍的龍潭埤，一片拋荒的所在，演變到這馬鬧熱滾滾，有閒逐家嘛會使去龍潭遊玩 ，見識這個有出現過龍的龍潭。
我就講到遮，多謝各位。
題目:生活中的鹹酸甜
校名:觀高附中 803
姓名:楊佩芸 指導老師:林瑞瑞老師
人生親像大舞台，鹹酸苦澀伴咱行;
生活親像鹹酸甜，逐項試過才知影。
各位評判先生，各位好朋友，逐家好!我是第 號，
今仔日，我欲講的故事是「生活中的鹹酸甜」。
人講:家己的故事家己寫才會真實，家己的路著愛家己拍拼才會充實，著算過程風風雨雨、坎坎坷坷，行過著知幸福的滋味有外甘甜。
阿爸佇我五歲外破病過身去，彼段時間親像是永遠無法度精神的烏暗眠。自安呢我著成作一个無阿爸惜、無阿爸保護的囝仔。所以細漢的時只要看別人予因阿爸攬條條的幸福模樣，我的目箍著會紅紅，目屎含咧走去邊仔哭，阿母講我變甲惦惦惦，無愛講話、嘛無自信，麥講上台講故事，只要上課予老師叫著名愛回答問題的時，規个人著會皮皮銼，甚至嫩入去桌子跤哭。
惡馬惡人騎，胭脂馬拄著關老爺。我這隻胭脂馬讀國校仔二年上台語課的時，誠有先生的緣，伊講我人古錐、聲音媠，台語閣講甲真輾轉，伊鼓勵我參加學校的講古比賽，我驚甲一个面是青筍筍，一直晃頭講無愛。毋過老師並無放棄我，激頭腦想辦法，毋管是用唌的、亦是姑成的，伊步數進展，最後我總算願意勇敢踏出第一步，接受先生的牵教。
國小四年第一擺參加台語演講比賽是難忘的一齣好戲。比賽前,阿母毋但帶我去買白色的網仔衫，平時抵厝內那做洗那叫我表演予伊看。比賽彼一工，我一個人坐抵比賽的教室等候，看別人親像蓋在膽，所以家己安慰家己:「免緊張~」，毋閣目屎真無聽話，強欲歛出來，尤其當工作人員叫著我的號碼，我歸身軀今張甲必必挫，一上台險險倚抹牢，頭殼梨梨梨，衫仔枝尾拉甲強欲破去，彼時陣，我想欲匿起來、想欲哭、嘛想欲放棄，後來，雄雄想起阿母定定甲我鼓勵的話:「毋免驚!驚驚抹著等，提出勇氣甲信心，頭舉乎懸懸，啥物嚨毋驚，愛拼才會贏!」這句話產生真大的力量，一觸久仔膽頭嘛家真在矣，越講越大聲，越講越精彩，最後比賽結果出來我著名矣!雖然毋是第一名，毋過卻是我行向成功的一大步。
後來我參加桃園市的演講比賽，比賽前我愈拍拼練習，阿母講我盈暗在睏閣會酣眠袂輸是咧比賽。人講：「艱苦頭，快活尾」，比賽煞，我佇網站看著家己著第一名的時，實在有夠歡喜，這的過程鹹酸苦澀的滋味予我更加珍惜成功的滋味。生活的鹹酸甜，就愛溫溫仔試滋味，著愛溫溫仔去感受其中的歡喜佮傷悲，您講是毋是！
今仔日我的故事講到這，多謝逐家!
山頂國小4年2班 傅 晴，指導老師：呂吳珍勝 老師
題目：我尚甲意……
內容
我尚甲意的故事----骨力食粟，貧惰吞瀾
古早古早有一個李阿財，伊有兩個後生，阿財因某足疼惜這兩個囡仔，不甘予因食苦，煞養成這兩個囡仔貧惰骨、欲食毋討趁，無論阿財按怎共苦勸，因後生就是毋聽啦。尾手阿財因翁仔某嘛老矣！無法度閣作穡矣！因的田地就囥咧拋荒。
有一工，阿財破病矣，病甲足嚴重，伊想講伊若死，因這兩個後生遮貧惰是欲按怎就好？伊就叫因後生來眠床前甲因講：「佇咱的田裡，有我埋兩大箱的金銀財寶，等到我若死，恁若無錢通開，恁會使去挖。」
過無偌久，阿財就死矣。因兩個後生，阿兄驚小弟先去挖；小弟驚阿兄跑去掘，兩個人攏七早八早，天未光、雞未啼、狗未吠，鋤頭攑咧就出門，欲去挖這兩大箱的「金銀財寶」。一工掘過一工，田頭掘到田尾，毋管是透大風，抑是落大雨，無停一直咧揣，毋過就是揣無這兩箱「寶貝」。
當因兩個人甲田塗掘鬆了，因阿母就偷偷仔綴後壁甲五穀的種子掖落塗，經過一段時間，規個田裡發出一片青龍龍的五穀。這時因兩個才覺醒，原來這是因阿爸的計智，雖然因無揣著金銀財寶，毋過因所得到的教示是比金銀財寶較價值。
各位朋友咱嘛不通貧惰，「骨力食粟，貧惰吞瀾」，一分的耕作才有一分的收成。逐家愛會記得哦！
桃園市閩南文化節高潮登場，第一屆桃園市閩南語講故事比賽活動總決賽，共有幼童組、國小低、中、高年組、青少年組以及外籍人士組，六組合計104人，將角逐由桃園扶輪社贊助的10萬元獎金。
台語演講比賽期盼透過講故事比賽，協助本土語言教學；鼓勵下一代學童使用台語上台表演，增加學童對口說台語的自信，使本土文化意識向下紮根。
105年度桃園閩南文化節「第一屆桃園市閩南語講故事比賽活動」初賽已於7月9日和10日，分別於桃園各區辦理初賽評比，評審結果成績各區初賽，這項活動由桃園市政府文化局 、桃園扶輪社共同主辦，桃園市志願服務協會負責承辦，整合桃園市台語文化學會、桃園慈護宮、中壢仁海宮、龜山壽山巖觀音寺、竹圍福海宮、武陵高中共同協辦。
附件：參賽者名單及講演稿內容，請參採！
新聞聯絡人 洪連慶0933-774-157
我的人生(台語講故事) 六和高中國中部賴思穎
大家平安，大家好！我是第7號，今ㄟ日我買講ㄟ故事是「我的人生」!
“ 別人ㄟ生命是拱金兼包銀，阮ㄟ性命沒達錢。”
講到我ㄟ人生…唉阿，實在是慘慘慘，3字慘寫作夥，因為我ㄟ人生是阮阿母安排ㄟ………阿母愛我達天讀切，真正越讀越切，伊講做人一定要有方向，要有目標，安餒這ㄟ出頭天，所以伊叫我愛認真讀書ㄟ蓋架ㄟ當做醫生，因為真多人講，第一醫生，第二賣冰，聽講醫生ㄟ當賺真坐錢，我嘛不知道，但是阮叨隔壁ㄟ阿桑賣冰賣廖真好，因為伊賣冰賣甲買樓ㄟ厝，所以不知是作醫生卡好，也是賣冰。
阿母講做人愛”艱苦頭，快活尾“，趁少年，認真讀書，所以我每天去補習，每天攏愛寫真做功課，寫馬寫賣廖，攏不當去七陀，實在真艱苦，真正是一ㄟ痛苦的人生阿。阿母講，安ㄋ才會考第一名，講實在ㄟ，我真正差一點拿到第一名，不過是對後壁算到當ㄟ……,所以阿母真生氣，氣甲頭殼槍煙，我馬真無奈，因為每一天愛去補習，我隆沒機會去消化讀書ㄟ內容，每天故隆睡沒飽，攏無精神，實在有夠慘。有一遍，阿爸甲阿母講，我做ㄟ生日卡片有夠水，設計廖比別人各卡特別，實在有設計ㄟ天份，阿母看廖馬真窩羅，但是阿母講，畫ㄤㄟ甘有飯同吃，阿爸講，”一枝草，一點露”，”行行出狀元”。所以對一天開始，阿母有轉變伊ㄟ想法，侯我報名去畫ㄤㄟ，我畫廖真快樂，常常拿我畫ㄟ作品夥阿爸甲阿母看，伊隆講..畫廖真水，所以我真歡喜。了後，我馬有參加學校音樂ㄟ社團，常常去參加比賽，成績不錯，常常拿到第一名。所以我真愛吹笛ㄟ，因為每一次吹ㄟ時陣，我隆覺得我軌ㄟ人輕鬆起來，而且自由自在，親像一隻鳥講款，完全無煩惱。講嘛奇怪，我ㄟ人生蟬像對地獄變做天堂講款，實在是真趣味。
我感覺我進前有誤解阿母ㄟ意思，其實阿母是一位真很智慧的人，伊ㄟ講道理給我聽，而且真照顧我，阿母希望我愛珍惜人生，而且愛找到自己ㄟ興趣，早一天訂下目標，安ㄋ 才不會浪費寶貴ㄟ人生，因為阿母講，人生甲那一概，一定愛活廖充實，伊希望我ㄟ人生趁像春天講款，充滿美滿，快樂，幸福甲希望，而且愛活出一ㄟ有價值ㄟ人生，對社會，國家有貢獻，阿母..我感謝妳，因為有妳我ㄟ人生才會吃精彩，從現在開始，我會各卡加倍認真打拼，開創出一ㄟ屬於我甲低ㄟ人生，阿母..希望你永遠健康、美麗，吃百二。
（我ㄟ故事講卡遮，多謝大家！） 敬禮
第一屆閩語說故事比賽 新埔國小 高年級 張嘉麒
咱桃園上介媠
各位評判老師，各位參加比賽的同學逐家好，這馬我欲講的題目是“咱桃園上介媠、咱桃園上介媠”。
講著咱桃園實在真正媠，頭一个我欲介紹的就是咱的風景真正媠，咱有山、有海，平埔，山有山景，海有海景，平埔嘛有伊的特色，若有去會復興遐的人就知，遐的樹仔是青ling-ling，花是開佮滿滿是，風景真優美，吸引真濟觀光客。咱閣有虎頭山、五酒桶山、石門山頂，遮攏是咱桃園真有名的景點。閣來講著咱的海，有竹圍仔魚港，永安魚港，來去遐食海產，順紲欣賞海景，當當日頭欲落海的時，滿天的紅霞，發出五彩的光線照佇海面，幾隻鳥仔飛對海面過，有夠媠的，莫怪遐濟人欲來遮欣賞海景。
第二个講著咱桃園的文化嘛真媠，客家語，河老語，原住民語，這馬閣有各種的新住民語，各種語言的背後攏有伊無仝的文化佮信仰，佇外國，會因為族群無仝，信仰無仝發生衝突，冤家相拍，咱桃園人真古錐，腹腸真闊，無論你是對佗位來，你的信仰是道教、基督教、佛教，抑是回教，攏受著別人的尊重。因為按呢，咱的文化是愈來愈多元。愈來愈精彩。
閣來講著咱桃園的地理實在有夠媠，無論台灣發生偌大的地動佮水災，桃園攏是平安度過，所以咱愛抱著感恩的心，感謝天地眾神明，一直保庇桃園平安無代誌。 做後欲講的就是桃園人的心攏真媠，看著天災地變，桃園人會出錢出力來共人鬥相共，阮阿爸嘛真關心下代的教育，不時咧捐款予學校建設，伊講：囡仔是國家未來的主人，愛有好的環境予逐家來受教育，我想逐家攏有一粒善良的心，這的社會一定會愈來愈好，以上予我發現咱桃園真正有影媠。我就講到遮，多社逐家。
新埔國小 低年級 鄭喻云
狐狸請人客
各位評判老師、各位小朋友逐家好，我是＿號，這馬我欲演講的題目是“狐狸請人客、狐狸請人客”。
樹林內有一隻狐狸真愛創治其他的小動物，所以逐家攏真討厭伊。有一工伊看著一隻白鶴佇溪仔邊咧食水，伊心內有閣想歹心矣！準備欲創治白鶴，伊行倚去白鶴的身軀，真有禮貌共白鶴講：白鶴先生，我想欲請你食飯，毋知你明仔載有閒無？我會準備真腥臊的物件來請你，請你一定愛撥駕光臨。
白鶴心內想講這隻狐狸毋閣欲變啥物蠓？我就來去共伊看覓咧！伊就講：好啊！我一定會去。
狐狸並無真心欲請白鶴，伊用青豆仔煮湯，共青豆仔湯𣁳囥佇一地平平的盤仔內底，當白鶴食一喙湯，青豆仔就對伊尖尖的喙落落來，狐狸是看佮笑咍咍，伊共白鶴講：你食物件的形看起來足好笑的。白鶴心內是足受氣，伊暗暗咧想：我一定欲報這个鳥鼠仔冤。伊就共狐狸講：真多謝你今仔日這誠意請我，明仔載換我請你，請你一定愛來阮兜予我招待。
隔轉日，狐狸準時赴約，白鶴是準備一隻芳貢貢的烘雞欲請狐狸，毋過伊共烘雞囥佇一个罐仔喙真長閣真狹的玻璃罐內底，干焦伊家己長長的喙才食會著。這的時陣伊看著狐狸是一直吞喙瀾。
俗語講：惡馬惡人騎，胭脂馬拄著附馬爺，凡事相拄會得著，千萬毋通存歹心。我就講到遮，多謝逐家。
第一屆閩語講古比賽 中年級 新埔國小嚴啓人 我上甲意舊曆過年
各位評判老師、各同學逐家好，我是＿號，這馬我欲演講的題目是『農曆過年的風俗，農曆過年的風俗』。
倚年的時，厝內摒掃好勢，阮阿媽就準備去菜市仔買年菜，買佮魚魚肉肉規大堆，白鯧、花枝、煙腸，牲醴，椪柑、糖仔佮餅仔，特別是甜粿、發粿，椪柑一定愛買，因為過年愛拜拜，甜粿代表的意義是食甜甜予你大趁錢，發粿是發財的意思，椪柑是大吉大利。菜市仔的人客是挨挨陣陣，𤲍甲強欲行袂過，愈倚年，菜市仔是愈鬧熱。
過年暗，是阮囡仔上歡喜的日子，因為會當提著大人分的硩年錢就是紅包。這一工規家大細愛鬥陣圍爐，講好話，厝內是鬧熱滾滾，春聯嘛愛貼予好，門聯的上聯佮下聯愛分予清楚，春聯是真有學問的對聯，阮兜今年貼的春聯，上聯是『門迎春夏秋冬福』，下聯是『戶納東西南北財』，橫批就是福氣錢財請入來，抑若大門就貼『逐家恭喜』，『招財進寶』，米缸就貼『滿』抑是『五穀豐收』豬牢就愛貼『六蓄興旺』，實在真有學問。
過年時仔有食袂完的糖仔餅仔，阮阿媽家己買真濟欲請人客，阮的親情來拜年攏會送禮來，有當時仔，人捾來的禮物嘛會捾去送別人，捌有一擺禮物送來送去，最後閣捾轉來阮兜。
宋朝王安石有寫一首詩，共過年寫甲足好的，『暴竹聲中一歲除，春風送暖入屠蘇； 千門萬戶曈曈日，總把新桃換舊符』。王安石這首詩共過年寫甲對著未來有無限的期待。阮嘛有佮古早詩人仝款會心思，希望新的一年會當國泰民安，祝逐家攏事事如意。今仔日我的演講就到遮，多謝逐家。
我的人生故事真心適(竹圍國中 葉同賢)
自細漢我的阿爸和阿母就在北部上班,所以我是跟阿公阿嬤住做伙,因為阿嬤日時要去菜市仔賣菜,所以阿公和阿嬤達工透早四點就要把我背著騎摩托車去果菜市場批菜,準備去菜市仔擺攤,開市的時陣阿嬤攏會先把我抱去哩伊的攤位頂懸坐哩,等阿嬤賣菜賣到一半阿公就會tsua我去踅歸ㄟ市場,所以我囝囡時嘛熟識真濟人,比如講賣豬肉的阿伯 、賣魚肉的阿姆、賣雞肉的阿叔、賣肉粽的阿嬸。逐擺踅一輾返來我攏會mo真濟因予我呷的物件，見擺我攏會mo轉去分阿嬤。轉去到阿嬤ㄟ攤仔位我就坐咧攤仔位頂懸，所以我嘛常常看到阿嬤一邊賣菜閣會順紲佮伊煮菜的秘笈教乎別人。呼！若說到阿嬤煮的菜我真正感覺她是世界第一的總鋪師，她煮ㄟ物件真正好呷嘎會殺人放火,大家若不信恁看我的身材就會使證明啊。
另外閣有一擺，阮媽媽說欲加班愛卡晚才會返來,所以阿嬤煮完晚頓就講欲tsua我去踅夜市,在夜市仔阿嬤買到一領足古錐ㄟ無尾熊外型的衫予我，而且阿嬤閣佮我講：「等咧你若穿這領衫坐佇恁阿公的暝床頂，恁媽媽加班返來一定會驚到。」結果阮媽媽返來真正驚嘎跳起來講：「那有一隻遮大隻ㄟ無尾熊坐佇阮兜的暝床頂？」,恁講，是不是真心適啊？
閣有一擺,是我細漢的時有真濟七桃物仔,其中有一寡細項的內底有細粒的電池,因為我感覺電池真好耍,所以我就把電池提來塞佇鼻孔。因為彼時的驚惶害我不敢佮厝哩ㄟ序大郎講,所以大家攏毋知影這件代誌。是因為過兩三工阮爸爸講欲對北部返來看我,所以大家約好欲佇大姨因兜烘肉,彼工烘肉烘到一半，姨丈熊熊講：「哼唉，你的鼻孔奈會像火金姑仝款會發光啊？」一開始大家都叫是姨丈咧開玩笑,路尾大家看到我的鼻孔煞嚇嘎馬上合我送到診所檢查,診所ㄟ醫生講:「伊的鼻孔甘那有一粒電池佇內底，這我遮沒法度處理餒,但是恁愛趕緊合依送到大病院喔」,路尾大家把我送到長庚,長庚醫生講:「恁是囝囡ㄟ家長喔？奈會赫嚴重才送來？嘿電池已經生鏽而且驕伊的鼻孔黏做伙啊。假使講電池若無提出來，到時只好愛開刀啊。」所以大家攏驚嘎面青筍筍。好佳哉，電池路尾有提出來。職馬我閣轉去那間診所,那個醫生都亦還認即我,他達擺攏會講：「啊你就是提電池塞鼻孔彼個嘛。」
閣有,我國小三年的時陣,我佮我的堂兄很愛在過年的時候放炮仔,所以有一介阮媽媽就tsua我和堂兄去放炮仔,因為有一咧炮仔不細利去炸到別人ㄟ門腳口,所以過無外久有一咧老阿婆出來佮阮罵,我媽媽就一直gan悔失禮，但是彼咧阿婆煞越罵越歹聽。毋拘，阮媽媽嘛不是會應hong罵好耍的人，所以阮媽媽就跟阿婆相罵,因為那個阿婆罵不過我媽,所以伊就找一個打手來贊聲，結果咧，因兩個人還是乎阮媽媽洗臉轉去,雖然我感覺媽媽真無辜,但是我跟堂兄亦是踦在邊仔偷笑。
經過遮ㄟ代誌,乎我感覺我的人生故事實在真心適,也因為經過提電池塞佇鼻孔這件代誌，乎我學到做任何代誌進前，攏愛詳細想看覓，才bue做出傷害別人佮傷害家己的代誌。.
我的人生我自己做主(竹圍國中 徐筱蓓)
咱人的一生難免有起起落落，嘛難免會堵到一寡鹹酸苦澀，所以每一個人都要去學習
面對困難，按怎衝過難關，向自己的興趣行落去，我嘛是仝款。
咱人的生命就是這呢啊寶貴，所以自己的人生就愛自己做主，才bue乎咱的生命留落遺憾
咱的人生是無法度排演的，每一刻都是現場直接播出，所以就愛活惦現實。拍拼未
來的路，未來掌握佇自己的手中咱應該選擇一條自己尚甲意，嘛尚適合自己的路，
選好了後就毋通躊躇要向著目標勇敢行落去。大家都說:有夢上水，咱愛腳踏實地去打拼。
細漢的時陣，我有跟阿嬤作伙去辦桌，就開始逗腳手，譬如講洗菜，排冷盤，鬥旁菜、
收菜尾看到大家吃嘎足歡喜，呵咾講辦甲有夠傳統，有夠好吃，我才感覺原來煮好吃的料
理乎人呷，嘛會當帶乎大家幸福的滋味。
所以大漢了後我想要和阿嬤仝款做一個總舖師，甲阿嬤的傳統手藝傳落去。
雖然阿嬤講:「憨孫啊，麥啦~做總鋪師足辛苦ㄟ。你看阿嬤ㄟ兩支手都有刀傷跟燙傷ㄟ
疤痕，做總鋪師不是遐呢簡單的哦~」有時陣阿嬤會叫我嘎伊抹藥啊，我看到伊的手實在
是足不甘ㄟ。我想阿嬤是不甘我跟伊同款啊辛苦，但是我知影只要我肯用心拍拼，不驚
呷苦，甲呷苦當作是呷補，安呢未來的路一定會閣卡開闊，閣卡安心。
在這個世界上天才是真少的，無任何一個人是會應毋免付出，就會白白得到一
切的，傢伙是未對天頂跋落來的。所以我就應該愛閣卡用心學習，好好打拼，創造
屬於自己的一片天地。嘛有一寡人認為自己真厲害，所以就毋肯好好啊拍拼，
歸工佇外面弄留連，這是錯誤的想法。那換作是一個憨人，一旦肯下苦工去打拼，
嘛會當乎自己行向成功之路。只要去堅持去拍拼，就算講是憨人嘛有成功的一工。
我不是一個天才，所以我愛開比別人閣卡濟時間來學習。別人可能需要1點鐘，
就學會曉一件代志，我煞愛用2點鐘，甚至3點鐘才學會曉仝款的代誌。就算講
是安呢我嘛願意拍拼。雖然拍拼無一定會成功，不過成功往往攏需要打拼。
有一寡人失敗了後，就無閣再拍拼，嘛就永遠攏爬 bue起來阿；嘛有一寡人失敗了
後煞毋識放棄，所以只要好好啊加油，總有一工嘛是會成功ㄟ。
會堪得失敗的才是勇者，會堪得大風大湧考驗的才是敖人。
我的人生，充滿希望跟勇氣，俗語說:「行行出狀元。」只要有心，石頭嘛會變黃金
生活中，有真濟代誌咱無法度控制，不過人生是自己的，咱會應決定自己的人生。
就算未來堵到再大的困難，嘛愛繼續向前衝!衝!衝!
題 目：台灣的地名
校 名：西門國小
班 級：一 年五班
姓 名：柳宏霖
指導老師：黃奕婷
桃園市閩南語說故事比賽—決賽演講稿
大家好，我是6號「桃園緣投阿桑」柳宏霖，我今天要跟大家介紹的是台灣的地名﹔先說我們在地桃園，「桃園」是因為以前有人在這種桃仔樹，所以叫做「桃仔園」，後來才叫做「桃園」。
我們桃園實在是一個好所在，不只好山好水，也有很多名產，比如說：復興的水蜜桃、大溪的豆乾、觀音的蓮花、龍潭的花生糖…，還有最重要的是咱桃園人熱情擱好客!
當然除了桃園，咱台灣還有很多很好玩的所在，清朝皇帝嘉慶君，也曾來過台灣，留下很多傳奇故事，接下來就讓我帶大家遊台灣啊!
古早屏東是阿猴， 高雄又名是打狗，台南古都赤崁樓 ，永康叫做埔姜頭。
白河舊名是店仔口，北斗土名是寶斗，人說台西是海口，清水叫做牛罵頭。
新竹以前是竹塹 ，嘉義舊名是諸羅山，隆田叫做番仔田 ，阿公店是叫做岡山。
竹山的蕃薯說尚介讚，鹿港珠螺是名產，麻豆好吃是文旦，人講寶島是台灣。
閩南語講故事比賽 低年級組-題目：蛇郎君 （蘆竹區錦興國小-蕭宇珊）
各位評審老師，各位同學，大家好，今仔日，我要講的故事是：蛇郎君
蛇郎君，原本是一隻小尾蛇，他修練了千多年，又擱閃過雷公、閃電等等的刼數，才ㄟ凍變成人的模樣，玉皇大帝就派伊，去替王母娘娘看顧花園，所以伊對所有的花草，攏金疼惜。
最近，蛇郎君發現一個老阿伯仔，每天透早都會去郊外摘走三朵花。蛇郎君就生氣ㄟ，當場變成一隻就大尾的蛇，將老阿伯仔纏起來，嘎他說：
「你，每天攏來偷摘我的花，今仔日，若是無賠償我，我就甲你拆吃落腹。」
「饒命啊！我摘的花是欲給阮三個查某囝，我嘛不知要安怎賠你才好。」
「這今簡單啊，你就甲其中一個查某囝嫁給我做某，就好啊！」
老阿伯仔返去將這件代誌說給他三個查某囝聽。結果，甘那最小漢的尚有孝，甘願要嫁給蛇郎君，救她阿爸的性命。
小妹仔才嫁沒多久，賢怨妒的二姊，看到蛇郎君緣投擱好額，竟然心肝抓攤橫，將小妹仔害死，才擱妝做小妹仔的模樣，和蛇郎君做伙生活。
可憐的小妹仔，死了後變成一隻鳥仔飛回來，將所有的代誌都投給蛇郎君聽。蛇郎君氣一下，就叫來好幾隻飯匙倩，將歹心肝的二姊活活驚死。
這個故事，是要跟咱講：做人要友孝，不通歹心肝；而且，野外的花草，嘛不通黑白摘，安內，才袜被蛇郎君娶去做某喔!
我的故事就講到這，多謝大家！
慈文國小低年級組5號姚沐恩
各位評判老師、各位參賽的同學,逐家好。我是第o 號。今仔日我欲講的故事是 : 「阿花和阿舍」
古早有一个賣花的阿花，伊真散赤，毋過誠知足，逐工透早攏那賣花閣那唸歌。阿花的厝邊蹛一个虯閣儉的阿舍，惜錢若命，真驚錢會拍交落，逐工顧錢到天欲光，拄想欲瞇一下，就去予阿花的歌聲吵精神，阿舍真想無? 隔壁那个阿花，花都賣袂出去，哪會有心情唸歌詩? 阿舍真好額，顛倒逐工面憂面結無睡飽。 哪會按呢? 阿舍想講若會當用錢買一寡仔睏眠毋知有偌好咧?
有一工，阿舍想著一个撇步。伊講為著欲感謝阿花迷人的歌聲，想欲送阿花黃金100兩。阿花一世人毋捌看過遐爾仔濟錢，歡喜甲那唱歌那踏腳花。就按呢，對彼瞑，厝內若是有淡薄仔聲，阿花就掠做是賊仔來矣，逐暗攏睏袂落眠，規个人消瘦落肉，顛倒是阿舍逐早起無人吵，攏嘛睏到日頭曝尻川。
尾矣，阿花決心欲共黃金𢯾還阿舍，阿花講 :「為著遮，我袂食袂睏，心情鬱卒，我想我也是賣花，按呢，有通食，有通用，日子有得過就好矣。」
「花藍內芬芳香味，引起阮想著彼當時，阮做著賣花姑娘，惦在街路邊……」(賣花女之戀 的歌詞)
今仔日我的故事講到遮, 多謝逐家!
各位評判老師，各位鄉親序大，佮在座的好朋友，逐家午安，逐家好，我是編號第○號，今仔日我所要講的是：
咱桃園是一个好所在 楓樹國小高年級林欣儀
咱桃園是真正美
好山好水好地理
土豆糖好食閣袂黏齒
水蜜桃是芳擱甜
豆乾好食擱紲喙
來食活魚飽擱省
要買香菇自己撿
來去 山看風景
坐飛機著看天頂
大溪的干樂世界第一等
咱桃園有三好，第一是「風景好」，桃園拉拉山的神木是咱台灣最濟神木的所在，若那虎頭山公園抑是運動 山的好所在，人講：「天然的尚好」，因攏是咱桃園的寶，歡迎逐家有閒就來遮遊山玩水，看風景兼 迌。第二好是「交通好」，桃園除了有國際機場以外，閣有台鐵、高鐵、高速公路，會使呼咱台灣走透透，甚至是出國旅行，攏真便利。第三好是「環境好」，因為土地公有保庇，風災水災地震真罕見，予你蹛這安心閣免厭氣。桃園從幼稚園到大學，什麼學校攏有，予你要讀書免煩惱，而且是近閣好。所以講桃園的這三好就是咱桃園的三寶，抑是咱桃園人的福氣啦！
紲落來，沒講你不知，咱桃園除了有三好，閣有「三濟」，第一多是「飛機濟」，因為桃園國際機場，逐工來來去去的飛機濟甲予你算抹清，算甲手會抽筋。第二多是「族群濟」，咱桃園不但有河洛人、客人、外省人、原住民，閣有新住民，在咱桃園不分外來和在地，大家共同為桃園拍拼，創造一个咱家己的幸福城市。第三多是「土地公多」，干焦咱桃園區土地公廟大約都有三百外間，古早人佇咧講：「有吃藥有行氣，有燒香有保庇」，土地公逐工佮咱顧厝站衛兵，福地福居護眾生，創造好山好水好地理的好環境。
最後，歡迎大家有閒常來桃園走走看看，不一定你會發現咱桃園有閣較濟好佮美的所在。
題目：我的弟弟要吃潘
校名：中壢國小
班級：二年二班
姓名：詹洛雅
指導老師：楊霽月老師
我是第一號,各位評審,各位在座的朋友,大家好,我今天要講的是：
『我的弟弟要吃潘, 我的弟弟要吃潘』
這是一個,發生在阮厝裡的笑話，因為在阮家,阮隆講台語。
我今嘛是國小二年的學生，我的小弟也在學校讀冊，
開學時，在學校用午餐都會調查，每一個人是吃葷或吃素食?
有一天吃完晚餐時， 我就拿出調查表請媽媽幫我寫!
媽媽就問我：妳要吃『葷』還是要吃素？
我就說：我想要吃素,因為吃青菜較健康.
媽媽也問弟弟：你也吃素,好不好?
愛吃肉的弟弟緊張甲：我不要！我要吃潘！我要吃潘！
一家伙仔聽了到（隆）嚇一咧!
阿嬤就問弟弟：你真的要吃潘？
弟弟就說：是呀！是呀！我沒肉是無法活下去的!!
阿嬤又說：潘是咱把吃剩下的飯菜，拿去餵豬，叫做潘。你要吃哦?
弟弟聽到：不是啦！不是啦！我是說：我吃『葷』，不是要吃潘！
原來弟弟把『葷』，說太快變成潘啊。真是一丈差九尺!
以上是我今天要說的笑話，多謝各位！
小蝌蚪找媽媽 仁和國小 周鉦宸
溫暖的春天來了，青蛙媽媽在水草上生下很多很多的卵。
過了幾天，黑黑的卵變成了一群可愛的蝌蚪。
有一天，牠們看到鴨媽媽和小鴨子在玩，
就想到自已的媽媽在哪裡呢？
蝌蚪們就問鴨媽媽說：「請問妳知道我們的媽媽長得怎樣？」
鴨媽媽說：「你們的媽媽有一雙大眼睛、嘴巴很大。」
蝌蚪們看到一隻大嘴巴的魚，就游過去喊：「媽媽。」
魚笑著說：「我不是你們媽媽，你們媽媽有四隻腳。」
蝌蚪們看到一隻烏龜，就游過去喊：「媽媽。」
烏龜笑著說：「我不是你媽媽，你們媽媽肚皮是白色的。」
蝌蚪們看到一隻白肚皮的鵝，就游過去喊：「媽媽。」
鵝笑著說：「我不是你媽媽，你們媽媽會『嘓~嘓~』叫。」
這時候，蝌蚪們看到青蛙在唱歌，
就游過去小聲的說：「請問妳有看到我們的媽媽嗎？」
青蛙笑說：「傻孩子，我就是你們的媽媽。」
「咦~為什麼我們長得不一樣？」蝌蚪說。
「你們長大就會和媽媽一樣。」青蛙說。
蝌蚪們找到媽媽了，實在太好啦!
台灣俗語有說：「在生有孝一粒土豆，較贏墓邊拜一粒豬頭。」有孝父母要趁金馬。我的故事到此結束，謝謝大家。
虎姑婆 仁和國小 林莉潔
有個老虎精住在深山林內，他是千變萬化的大妖怪，她變成賣李子糖的人大聲吆喝：「李子糖，香又甜，送人吃，不要錢。」小姑娘真么鬼，正要吃一口，老虎精就把她拆吃落腹。
吃一個還是不太飽，她看到一個媽媽對兩個小孩說：「等會姑婆會來我們家，你們兩個要乖乖聽話。」講完就出門了。這時候，老虎精變成姑婆的模樣，輕輕敲門說：「孩子乖乖，緊把門開給姑婆近來。」阿香開門拿椅子給姑婆坐，一坐下，坐到大尾巴，痛甲伊唉唉叫！
晚上，阿香睡到半夜給一陣怪聲吵醒，輕輕說：「姑婆，姑婆妳聽聽，怎麼會有怪聲？」虎姑婆一伸手就把阿香抓起來，阿香說：「我已經認命，不過生吃味道差，炸一炸味卡香。」老虎精說：「要怎麼炸？」阿香說：「先起火、燒油，我再跳下鍋。」老虎精起火一邊吹風，一邊問：好了沒？好了沒？趁這個機會阿香把油鍋一推，燒滾滾的油淋在老虎精頭上，「砰」一聲！老虎精就死在地上。
題目：義賊廖添丁
校名：蘆竹區光明國小
班級：二年9班
姓名：葉劉謙
指導老師：黃瓊如
講稿參考資料：真平台語網
各位評判老師，各位小朋友，逐家好，我是第三號，今仔日我欲講的故事是「義賊廖添丁」。
日據時代，佇臺灣，有一个頂港有名聲、下港上出名的人物，臺灣人若聽到伊的名，大姆翁立在咧，呵咾伊是一个英雄好漢；啊若是日本人，抑是漢奸走狗聽到，包穩隨个啊隨个，抖到摔落塗跤做狗爬，這个人就是，鼎鼎大名的廖添丁！
添丁出世佇臺灣中部，自細漢就無父無母，無序大人教示，紲來學歹做賊。
這个時陣，壓霸的日本人四界欺負臺灣人，添丁雖然做賊，毋過，嘛是一个有血有目屎的查埔囝，伊哪會有法度目睭金金看阿本仔作威作福，伊決定劫富濟貧，將偷提來的不義之財，分予散赤人，逐家非常感激伊，就共伊號做「義賊廖添丁」。
添丁一工無掠到，阿本仔就睏袂落眠，因為添丁有一身好武藝，爬厝頂敢若咧行灶跤，跤稍踩一下，兩三層樓仔就跳起哩，阿本仔猶爬到怦怦喘，人伊早就走到無看影。
可惜，後來添丁予人出賣，紲死佇阿本仔的銃子跤。
廖添丁雖然是一个賊仔，毋過，伊劫富濟貧，佮對抗阿本仔的勇敢精神，永遠留佇臺灣人的心肝底。
我的故事到遮結束，多謝逐家！
題目:咱桃園好所在
學校:海湖國小 班級:五年乙班 姓名:吳怡慧
指導老師:蔡桂珠
各位評判先生、各位來賓、各位小朋友逐家好!我是第 號，今仔日，我欲講的題目是:「咱桃園好所在」
來!來!來!看!看!看!緊來緊看!慢來減看一半!《桃園是一个好所在，十三區敆起來，有四區是倚海，地勢較懸水好排，石門水庫好灌溉，保留埤塘顧生態，名產真濟冠全台，內山出產水蜜桃，工商發達生活好，交通建設有效果，逐家出門免煩惱! 》咱桃園市攏總有13个區，每一區攏有伊特別的所在!今仔日，就予我來向逐家介紹我的家鄉，抑就是「國門之都-南崁」。
南崁是一个好所在，聽我來講予恁知，頭起先，我來向逐家介紹南崁的後花園-「坑仔」，遐有塗墼厝、鯪鯉(lâ-lí)步道，若到「坑仔」tshit-thô一定愛去頂社參觀強欲無去的傳統手工文化-瓜笠仔，遐有真濟無仝款的瓜笠仔，逐家嘛攏會戴瓜笠仔翕相做紀念，有夠趣味的!
紲落來，會使去參觀人咧做蘆峰茶，看茶農咧做茶，咱才知影原來做茶是遐邇仔辛苦!對挽茶、曝茶到烘茶，攏愛用心焙，上無愛一工佮一暝，才有法度享受著清芳的冠軍茶，阮蘆竹區的蘆峰茶，無管你是欲泡燒的，抑是泡冷的!攏有伊特別的滋味，佇遮我會推薦逐家用罐仔貯冷滾水，囥一寡仔「蘆峰茶」入去冰箱冰，過兩、三點鐘久才共提出來啉，就會當享受著正港的蘆峰「冷泡茶」，保證予恁止焦潤喉透心底!
落尾，我閣來共逐家介紹一个看夜景的好所在，彼就是山仔跤的「大古山」，除了看飛行機飛起飛落，佇日黃昏的時，會當看著誠媠的紅霞、規陣的白鴒鷥自由自在佇遐飛有夠媠的!到暗時，天星就會開始出來共逐家拍招呼！當然!桃園猶有真濟好所在我無介紹著!希望後擺若有機會，我一定會詳細報予恁知!今仔日，我就講到遮，感謝逐家!
題目: 我上佮意落雨天
學校:海湖國小 班級:三年丙班 姓名:林妤庭
指導老師:蔡桂珠
各位評判先生、各位來賓、各位小朋友逐家好!我是第 號，今仔日，我欲講的題目是「我上佮意落雨天」。
逐家攏知影，咱桃園這个所在，春天是毛毛仔雨落袂離，熱天就有西北雨、風颱雨，予你閃甲無路通覕，抑若是寒天，落彼冷吱吱的冬雨，是會予人寒甲半小死。若感覺天色毋對，阿爸教我毋通傷鐵齒，「好天就賰雨來糧」，上好共雨傘、雨衫紮咧，較袂予雨淋甲澹漉漉。
落雨天，對真濟人攏無方便。街路上，閃雨縫的人，滿滿是，計程車的生理是特別好，有錢無一定坐會著!落雨天對阮來講嘛是大代誌，干焦欲去學校讀冊，一四界攏沓沓滴滴，我頭殼就mooh咧燒！毋知欲按怎行去學校?雨衫外口咧落雨，雨衫內底咧滴汗，實在攏袂快活。到教室，雨衫閣較毋知欲按怎收，有當時仔，毋管伊三七二十一，凊彩摺摺咧，袂輸咧漚鹹菜，共伊櫼tsinn踮椅仔跤。
「西北雨直直落，鯽仔魚欲娶某…。」熱天的下晡，常常會落一陣西北雨。「西北雨落袂過車路」，一下仔，雨就停矣。這个時陣，樹仔、花佮草攏洗好身軀矣，有夠清氣、有夠媠的啦!寒人的時，會落毛毛仔雨，我上愛坐踮戶碇，伸手去承簾簷跤一滴一滴若真珠的雨水，寒甲手是紅記記，阮阿母會真毋甘，就會叫我緊入去厝內。有當時仔，我會趁阿母無注意，雨傘攑咧，走出去耍予歡喜，阮阿母嘛無法度我!
好天有好天的景緻，落雨天有落雨天的趣味。落雨天，雖然小可無方便，毋過佇我的心目中，是上有感情的天，所以我猶是上佮意落雨天。毋管是好天抑是歹天，逐工攏嘛是好日子。今仔日，我就講到遮，感謝逐家!
咱桃園是好所在
咱桃園是好所在-南美國小高年級王芸茹
桃園好!桃園好!四界通人蚵咾，桃園好所在阿!好所在。
各位評判先生，各位貴賓，囝仔兄，囝仔姊，大家好，我是( )，今仔日，我卜講e是「咱桃園是好所在」。
桃園是一個好所在，有高山、平地、漁港，夜市仔，大學有十外間，山頂有山產，海裡有海產，平地有農產，有人山裡討食，有人海裡討掠，山頂、田庄、海邊，風景變化萬千，有足濟好所在，我上愛去石門水庫、虎頭山、小烏來這些一等一的風景區。
石門水庫邊仔e石門山是遊山玩水的好所在，遠山近水，親像一幅美麗e畫，花樣千變萬化，這款的風景不輸出國觀光咧!
竹圍仔港，永安漁港是桃園海產的來源，也是觀光的好所在；海沙埔，紅樹林，夕陽，美麗的景色，使人懷念。
廟寺是咱桃園人的信仰中心，精神的依靠，心靈的寄託，是桃園藝術文化。國際機場、 高鐵青埔站、捷運站、航空城的規劃是咱桃園重大的建設。
桃園的名產是濟又讚，上學期老師帶我們去參觀作茶米e過程，甘甜的茶米茶，到今還誠數念。
熱天的時陣，阿母會帶我去觀音賞蓮花，順便到新屋呷鵝肉。
歇睏日我上愛去住在眷村的阿嬤家，眷村故事館，眷村手路菜真特別。
桃園四界有夜市仔，貨色齊全，親像台南迎媽祖，無奇不有，四秀仔應有盡有，是我最愛去的地方。
桃園好山好水好地方，天時地利人和相結合，桃園人搰力勤儉打拚，創造美好家園，咱作伙來疼惜桃園這個好所在，這就是桃園人的福氣啦!
我講完了，感謝大家。
我上佮意e囝仔歌
南美國小中年級顏瑪函
我聽過、唱過的囝仔歌有真濟，親像十二生肖、天黑黑、貧憚仙，其中上佮意e 是天黑黑。
(天黑黑，欲落雨，阿公仔夯鋤頭卜掘芋)那聽到這條歌，我就想起住台南e阿公和阿嬤。阿公講：古早無氣象報告，卜知影天氣e變化，就要靠家己觀察，黑云飛上山，棕sui提來幔，天色起報頭，就知影卜落雨啊！做田人總是卡認命，把食苦當作食補，落雨之前要tshun一寡草菜，那無……遇到下久長雨，是要配菜脯。以早e人看卡遠、想卡長，不像現此時e人，未落南就要食落南米，落袋不時裝pong只。
(掘啊掘，掘啊掘，掘著一尾旋鰡古)本來是袂掘一寡芋仔，誰知雄雄煞去掘到一尾雨鰡，哇！今晚可以加菜，阿公歡喜佮一個嘴ㄚ裂獅獅，手捾雨鰡回到門口，大聲喊：老ê，我掘到一尾雨鰡。(伊啊嘿著真正趣味)
(阿公卜煮鹹，阿嬤卜煮汫，兩人相拍弄破鼎)，阿公講，煮鹹e，吃卡e下飯，阿嬤講，這……袂那e應？吃尙鹹是會血壓高。亻因兩個老尪仔某，總是愛盤嘴錦，一句來一句去，誰也不認輸，落尾，轉生氣，煞相扑，一聲無細二，煞把鼎弄破去。卜知影食不到魚仔，當初麼把魚剁成二截，一半煮鹹，一半煮汫，按呢二人攏贏，就不會弄破鼎。
(伊啊嘿著啷當此噹嗆，哇哈哈)本來是一件好代誌，因為意見袂合，煞變成空。
天黑黑這條歌不但教咱觀察天氣e變化，也啟示咱：人和人作伙要互相包容，毋通常常吵吵鬧鬧，才不會有糾紛，家和萬事興，家吵是萬世窮。
這條歌好聽又趣味，才誠作我上佮意e囝仔歌。
題目:我上佮意的運動
校名及班級:中原國小四年二班
姓名:廖明威
指導老師:范嘉云
各位評判先生，各位參賽的好朋友，逐家好！我是第 6 號。
今仔日，我欲演講的題目是：我上佮意的運動，我上佮意的運動。
我上佮意的運動就是騎跤踏車，這是我頭一个接觸的運動，恁逐家看我漢草遮爾好，好看閣有範頭，因為佇我細漢的時陣，阿爸開始利用歇睏日 我出去運動，嘛是佇彼當陣，我開始騎跤踏車。想袂到這是我人生的大轉變，我漸漸騎出興趣，體質嘛慢慢仔改善，體力愈來愈好呢！這馬的我勇甲親像一隻牛咧！
細漢的時，我猶袂曉騎跤踏車，對四輪的沓沓仔學，彼當陣也因為體力無夠，騎甲跤痠手軟，強強欲袂喘氣！騎兩輪的時，閣定定跋甲跤骨烏青凝血，彼當陣足想欲放棄，無想欲學矣。毋過阿爸真有耐性，伊慢慢仔共我牽教，經過一擺閣一擺的練習，我漸漸進步囉！到這馬連變速車嘛已經騎甲真好矣。
紲落來，阿爸閣𤆬我去跤踏車專用道騎，對木柵動物園一直騎到艋舺，閣騎倒轉來，彼種運動流汗的感覺，雖然足辛苦，毋過我感覺真有價值，毋但訓練我的體力佮意志，日子嘛過了真快樂。
舊年的時陣，我佮阿爸的朋友，去嘉義朴子溪邊騎跤踏車，騎到嘉義鰲鼓溼地的海邊仔，朴子溪的風景真媠，尤其是鰲鼓溼地的生態真正是百百款，想著騎跤踏車會使運動，閣會凍看著無仝款的風景，真正是「一兼二顧、摸蜊仔兼洗褲」。
雖然這馬的功課愈來愈濟，我仝款會利用時間去騎跤踏車，因為騎跤踏車的運動，毋但予我體力好、精神爽，嘛予我的身體閣較勇健。各位朋友啊!咱逐家做伙來騎車運動，心情會真輕鬆，逐家一定愛試看覓喔!我的演講到遮，感謝大家！
題目:我上佮意的運動
校名及班級:中原國小四年七班
姓名:盧柏睿
指導老師:范嘉云
各位評判先生，各位囡仔兄囡仔姊，逐家好。
我是10 號，今仔日我欲演講的題目是「我上佮意的運動」。
電視頂唱著「踅來踅去騎阮的跤踏車，等待你下課陪你逐工鬥陣行，輕輕心內話伴著車輪跤踏聲，阮的希望攏寄在遐…」對！這就是我上佮意的運動「騎跤踏車」。我上佮意的運動是騎跤踏車，因為騎車會當鍛鍊身體，跤踏車毋免加油，袂排廢氣，是一項足環保的運動。
佇我閣真細漢的時陣，阿媽送我一台鐵馬仔，細細台仔真古錐，會記得伊是一台藍色的跤踏車，彼當陣我猶真細漢，阿媽講：「阿孫仔，等你大漢才買較大台的予你。」這台細細台仔的跤踏車真好騎，伊陪我渡過幼稚園的時間，嘛予我有騎車運動的好習慣。
逐工轉到厝內，毋免阿爸阿母的交代，我一定會足緊共功課寫好，和厝邊頭尾的囡仔做伙去騎我上佮意的跤踏車，轉來了後，我的心情真輕鬆，看著阿母已經共暗頓攢好矣，等規家伙仔同齊食飯，真希望明仔載會當趕緊來，我閣會當去騎我上佮意的跤踏車。
讀國小了後，功課愈來愈多，騎車運動的時間煞愈來愈少，干焦放假的時陣，才有機會騎著我上佮意的跤踏車，這馬這台車是我考試考了真好，阿爸送予我的，我定定騎伊踅阮兜附近的公園，看著大大細細的樹仔佮花草，聽著鳥仔聲，嘛有人佇遐放風吹，規个人心情攏輕鬆起來。
騎跤踏車是一件真快樂的代誌，因為騎車的時陣會有微微仔風吹來，予人感覺「心涼脾土開」。希望我將來會當騎鐵馬仔踅規台灣，親目睭看咱台灣有偌大，風景有偌媠，這就是我上佮意的運動「騎跤踏車」。我的演講到遮結束，多謝大家。
我尚甲意的好朋友 (大崗國小四年乙班駱苡芃)
我有真濟朋友，其中最佮意的是阿美，伊有圓滾滾的大眼睛，烏溜溜的長頭毛，真靈的鼻子，iau kiau的身材，迷人的背影，還有一顆善良的心。我們常常做伙破豆，做伙到運動埕耍，跟伊做伙e每一天攏真歡喜。
阿美不但有好口才，也是畫圖的高手，更加是老師的好助手，同學的囝仔伴。老師交代的任務從來袂拖沙，馬袂奸巧，做代誌阿莎力；同學遇到困難時，她常常會主動幫忙，記得有一次，班上阿明感冒，身體欠安，吐甲歸塗跤，大家攏驚甲不知按怎辦，這時陣阿美自動跑去拿布拖仔、水桶鬥參共，大家看伊這麼熱心，就跟著伊做伙做，將垃圾的桌子、椅子、地板上下慢慢地整理清潔，連原本不敢摸e我也不怕了，她真是一個好同學，大家都很喜歡她。
以早，我是一個祕思的鄉下囝仔，不愛運動，也沒同學會找我𨑨迌，下課時常常一個人孤單地坐在教室裡，逐擺想要甲同學𨑨迌，大家攏嫌我笨車車，不理我。我就恬恬看大家玩，足希望我是一個俐落大方、受歡迎又閣腳手猛掠的女孩子，這樣我就會使有很多朋友。
逐擺我若是孤單寂寞的時候，阿美就會來關心我，陪我開講，牽著我的手去散步，、溜滑梯和幌韆鞦，真趣味！她對我很好、逐擺我代誌哪做不好，想要放棄的時候，她攏會安慰我、鼓勵我，陪我做伙完成，伊講：打斷手骨是會顛倒勇，戲棚下是企久人e，伊教我很多代誌，伊讓我親像刺毛蟲一樣，慢慢變成美麗的尾蝶仔，慢慢仔展現出自信，讓我體會信心就是力量，慢慢的我有很多好朋友，也多了許多古錐的笑容。
我有阿美這個好朋友是一件足好運、足歡喜的代誌，雖然有時候會鬥嘴鼓，但是一下子就和好了，她幫助我很多，也教我很多代誌，讓我在學校過的歡歡喜喜。希望我們能做永遠e朋友，親像師公仔響杯同款，褲頭永遠節相連。
我的人生
人生就親像是一段時間旅行，好比春夏秋冬的流轉，順著自然的變化，咱人的運甘是出世就來注定?人生的路要怎麼走才會快活?
至擔，我已經過了十四年的人生，我出生在一個不完美的家庭，這一直是我心中的遺憾，在我小漢時，阿爸和阿母因為個性不合常常吵架最後離婚收尾，阿母離開家之後的日子，我常常作惡夢，每次從夢中醒來，總是滿臉目屎，我心裡惦惦承受著失去母愛的悲傷，沒阿母的日子，我很早就要學習獨立，凡事都靠自己來解問題，家裡的工作、困難的功課、心事不知要講給啥人知，心酸的滋味一直在我的生活中常常出現。阿爸賺錢有限，免強應付生活上的開銷，沒有多餘的錢能讓我去補習班，那時的我感覺到錢的重要，沒錢是萬萬不能。我羨慕別人的家庭，我期待我也有一個幸福的家。
自小漢，我的功課一直都是吊車尾，常被同學笑我是笨桶，因為這樣感覺很自卑，常常在棉被裡流著傷心的眼屎，阿爸知影之後，他很不甘我，安慰我說:「別人對咱的看法是不能改變的，只要咱感覺自己是有路用的人，隨在別人怎麼講，咱做自己熊實在。」阿爸的話我記牢牢，他給我一種力量，不管外面的批評有多惡毒，都能讓我堅強的度過一切的困難，那時的我深深體會到阿爸的愛，親情的可貴。
現在的我是國中生，也了解很多人情世事的道理，阿爸曾教我:「做人要誠懇，腳踏實地，不通肖貪，肖貪就會鑽雞籠，最後吃虧的是自己。」我的阿爸很老實，肚量很寬不愛跟別人計較輸贏，有一種知足的快樂，我也想要像他同款。
未來的我，人生就要詳細安排，逃一個目標是讀職業學校學技術，做設計是我的興趣，我會認真打拼，達成目標。我的阿嬤不曾讀過冊，不過伊認很多代誌，伊講人生的路是自己走出來的，若是少年不會想，吃老就會不晟樣，伊常常跟我提醒，社會很複雜，路是坎坎坷坷，困難是層層疊疊，眉眉角角要斟酌，你要吃苦當作吃補，阿嬤的話讓我有認真聽。
我人生的目標簡單實在，未來有一個好ㄤ賽，讓子兒細小有愛的環境，不敢肖想榮華富貴，只要可以知足快樂，相信天公伯呀會把骨力的人逗衫工，我會認真過生活，為著美麗的人生向前行。
我上甲意上的課
山腳國小中年級-林文心
自我上國小三年以後，欲學的科目變甲足濟，國語、數學、社會、自然，逐科攏予我讀甲「一粒頭，兩粒大」干焦上台語課，輕鬆、趣味閣免考試，是我上甲意上的科目啦！
台語老師上課的時，會教阮趣味的俗語甲孽畜仔話，予阮學著真濟祖先的智慧，譬論講：「食果子就愛拜樹頭，食米飯就愛敬鋤頭」，「阿公娶某—加婆」，有時陣，老師嘛會講一寡笑詼予阮聽，老師講：「有ㄧ工，有一個阿婆去買早頓，頭家問講：「阿婆，『加蛋』愛加十箍喔！」，阿婆隨應講：「蛤！愛加十箍，那按呢我遇外口等，無愛佇遮等啦！」蛤！你講啥？原來華語『加蛋』甲台語「遮等」是同音啦！閣有一個空中小姐服務真週到，伊甲人客講：「各位貴賓，您的墓地到啊！請毋通袂記得您的牲禮喔！」啥米！我還未死咧！去墓地創啥！聽了逐家攏笑甲腹肚疼，原來台語若講了無正確，就會產生真大的誤會。有當時老師嘛會予阮分組趣味競賽，為著欲贏，逐家攏步數盡展，有夠緊張矣！
上台語課甲其他的科目攏無同款，予我輕鬆自在閣快樂，所以講上台語課是我上甲意上的課啦！
桃園好食物
山腳國小高年級-戴妘倩
「好所在，佇佗位？桃園名產上續喙，拉拉山桃仔芳閣甜，大溪豆乾古早味，竹圍仔漁港海產鮮，石門活魚好滋味，好食好耍的滿滿是，世外桃源就是伊。」
若講著咱桃園這個好所在，毋那風景美麗，閣有好食的在地名產，每一項攏是上讚的伴手禮，即馬就予我來報予逐家知。
頭一項欲向逐家介紹的是「頂港有名聲，下港上出名」的大溪豆乾，只要行到大溪老街，「三跤步，一崁店」，賣豆乾的滿滿是，上蓋好食的是傳統口味的烏豆乾啦！因為彼是用在地甘閣甜的地下水質，加上芳貢貢的滷汁，製造出口味特殊的五香烏豆乾，保證予你愈食愈續喙喔！
來到桃園一定愛到石門水庫行一誓，因為來到遮，毋那會當欣賞附近美麗的景緻，閣會當食著鮮鮮鮮的活魚，現掠現thai，一尾魚仔會當分作幾若種無同款的料理，真正是「一兼二顧，摸蛤仔兼洗褲」。
俗語講：「食魚食肉抑著菜甲」，魚魚肉肉食規腹肚，就愛食一寡果子仔，咱拉拉山的水蜜桃，幼綿綿又閣白抛拋，咬一喙，嗯----甘甜多汁的滋味，真正有ㄧ種幸福的感覺，食了保證予你青春美麗閣長歲壽喔！
桃園的名產実在是濟甲三暝三日都講袂透，有閒歡迎逐家作伙親身來體會這個仙境喔！
˙題目：恁欲食啥？我來煮
˙學校：建國國中 ˙班級：208班
˙姓名：林羿翰 ˙指導老師：黃怡芳
各位評判先生、各位同學，逐家好！我是第7號今仔日我欲講的是「恁欲食啥？我來煮」
歇熱，是阮做學生囡仔上甲意的一段時間，尤其最近這麼熱，大家都躲在家裡不愛出門，不過網路上ㄍㄨㄢˊ的人面冊卻是真熱鬧，剛開始，大家在上面喊無聊，直要抓蝨母來相咬；閣來，就有人開始投 父母足gau念，不是念他們「貧惰！」「荏懶！」就是講他們「哪毋緊去讀書？」到尾啊就說甚麼「少年若袂曉想，食老就毋成樣。」雖然阮阿爸嘛加減會嘎我唸，毋過，他較常講的卻是：「恁腹肚會餓袂？欲食啥？我煮乎恁吃！」無錯，整叢好好，逐家無聽重耽（tîng-tânn）去，佇阮兜不時煮料理予我食的人就是阮阿爸。
阿爸定定共阮阿姊講：「姊姊啊！你有夠瘦矣，莫閣減肥矣。看你想欲食啥，阿爸來煮，保證好食閣袂大箍！」
啊若我咧？阿爸看我讀冊拚甲無暝無日，就共我講：「阿弟仔，你愛緊加食寡仔，才會大箍健，勇身命。來啦來啦，看你想欲食啥，阿爸來煮啦！」是啦！阿爸總是予我食甲精神飽滇去應付學校的功課。
毋過有一擺我讀冊轉來到厝，人忝甲「會呼雞袂歕火」，規半埔擱毋去食飯，阿爸看著就罵講：「沒代沒誌佮人做甚麼班長，代誌瞭瞭，你們老師也很奇怪，什麼事情攏叫你做，你們那班是沒 人了喔！」聽到阿爸安捏佮我虧，心裡當然是不開心，我就應講：「你很奇怪，看到別人欣賞我，有代誌拜託我做，你是覺得很刺眼呵？」我就佮伊大細聲吵。阿爸氣甲心狂火著，講：「好啦！你上 啦，明仔早 早頓家己想辦法，攏免呷你管！」碰一聲！阿爸門摔仔回去房間，客廳內只剩我，跟那台不不叫的電風 ……
閣轉工我愛參加一个足重要的考試，我一精神就看著早頓已經囥在桌頂，有滷雞肉、煎卵包、炒蕹菜，閣有一鼎阿爸家己燃的米奶。食飽，阿母載我去考試場，我問阿母：「今仔日哪會攏無看著阿爸？」阿母講：「恁阿爸閣咧佮你激氣啦！毋過伊嘛是五點外就起來煮早頓，煮好才去倒咧眠床假睏。」聽到遮，我目眶隨紅起來。我知影阿爸猶是驚我餓著，伊只是講話較毋認輸爾。
考試考煞，阿爸來共我載，我想一想就開喙共阿爸會失禮，阿爸面看邊仔，無越頭，笑笑仔講：「好啦！知啦！」佇路的阿爸仝款講彼句：「你想欲食啥，我煮予你食。」我知影阿爸是用這句話表達伊對阮規家伙仔的愛佮關心，所以我就給他應講：「阿爸，你想欲食啥？換我來---煮予你食。」
我就講到遮，逐家勞力！
（934字）
題目:桃園龍潭的故事
校名:山頂國小
班級:5年3班
姓名:唐欣鈺
指導老師:呂吳珍勝
各位評判老師，各位朋友，逐家好，我是第 號，今天我要講的故事是:桃園龍潭的故事。
龍潭區的市中心有一個大潭，大潭的四箍輾轉真鬧熱，逐年的元宵節佇遮有鼓仔燈展覽，
阿爸捌帶我去看過鼓仔燈展覽，尤其是暗時來看，有夠媠，百百款的鼓仔燈，五花十色，遠遠矣看過若像燈海閃閃爍爍，講有偌媠就有偌媠。五月節時，佇遮嘛有划龍船比賽喔！
大潭邊仔有一間廟，元龍宮，佇七月時仔普渡嘛攏有殺豬公比賽，尚大隻著等的閣有賞，
龍潭這馬真鬧熱，聽阿媽咧講：古早時這個所在無水通灌溉，真多田園囥咧拋荒，到甲乾隆十三年間，設置一個埤來灌溉，後來才有凱達格蘭族人佇遮定居，聽說這埤生湠真濟菱角，彼時的人就把這個埤叫做菱潭埤，菱潭埤的南邊會噴泉，傳說遮有泉穴，規年
迵天泉水攏毋捌焦去，假使若拄著真久沒落雨，若是當地的居民誠心去潭邊求雨，天公伯就會賜雨水，遐的人攏認為這個潭有神顯靈，就講這是顯靈的靈潭埤。
聽講有一擺，閣拄著真久沒落雨，潭水一直減少，當地的居民又閣去求雨，毋過連求幾若天猶是沒下雨，這時大家來參詳，看欲按怎來求較好，大家認為講是誠心不夠，袂當感動天，所以就發願愛食三工的素食，袂使食臊，三工後眾人帶著虔誠的心，又閣去潭邊求雨，這時予人料想不到的代誌發生啊，一時間，天烏地暗，雷公爍爁，潭中有一尾黃龍出現，突然間，大雨一直落，自按呢，就無欠水，無洘旱。
對這擺起，就甲顯靈的靈潭埤，改名做同音龍蛇的龍潭埤，阿媽講對清朝時代生菱角的菱潭埤，演變到顯靈的靈潭埤，一直到出現龍的龍潭埤，一片拋荒的所在，演變到這馬鬧熱滾滾，有閒逐家嘛會使去龍潭遊玩 ，見識這個有出現過龍的龍潭。
我就講到遮，多謝各位。
題目:生活中的鹹酸甜
校名:觀高附中 803
姓名:楊佩芸 指導老師:林瑞瑞老師
人生親像大舞台，鹹酸苦澀伴咱行;
生活親像鹹酸甜，逐項試過才知影。
各位評判先生，各位好朋友，逐家好!我是第 號，
今仔日，我欲講的故事是「生活中的鹹酸甜」。
人講:家己的故事家己寫才會真實，家己的路著愛家己拍拼才會充實，著算過程風風雨雨、坎坎坷坷，行過著知幸福的滋味有外甘甜。
阿爸佇我五歲外破病過身去，彼段時間親像是永遠無法度精神的烏暗眠。自安呢我著成作一个無阿爸惜、無阿爸保護的囝仔。所以細漢的時只要看別人予因阿爸攬條條的幸福模樣，我的目箍著會紅紅，目屎含咧走去邊仔哭，阿母講我變甲惦惦惦，無愛講話、嘛無自信，麥講上台講故事，只要上課予老師叫著名愛回答問題的時，規个人著會皮皮銼，甚至嫩入去桌子跤哭。
惡馬惡人騎，胭脂馬拄著關老爺。我這隻胭脂馬讀國校仔二年上台語課的時，誠有先生的緣，伊講我人古錐、聲音媠，台語閣講甲真輾轉，伊鼓勵我參加學校的講古比賽，我驚甲一个面是青筍筍，一直晃頭講無愛。毋過老師並無放棄我，激頭腦想辦法，毋管是用唌的、亦是姑成的，伊步數進展，最後我總算願意勇敢踏出第一步，接受先生的牵教。
國小四年第一擺參加台語演講比賽是難忘的一齣好戲。比賽前,阿母毋但帶我去買白色的網仔衫，平時抵厝內那做洗那叫我表演予伊看。比賽彼一工，我一個人坐抵比賽的教室等候，看別人親像蓋在膽，所以家己安慰家己:「免緊張~」，毋閣目屎真無聽話，強欲歛出來，尤其當工作人員叫著我的號碼，我歸身軀今張甲必必挫，一上台險險倚抹牢，頭殼梨梨梨，衫仔枝尾拉甲強欲破去，彼時陣，我想欲匿起來、想欲哭、嘛想欲放棄，後來，雄雄想起阿母定定甲我鼓勵的話:「毋免驚!驚驚抹著等，提出勇氣甲信心，頭舉乎懸懸，啥物嚨毋驚，愛拼才會贏!」這句話產生真大的力量，一觸久仔膽頭嘛家真在矣，越講越大聲，越講越精彩，最後比賽結果出來我著名矣!雖然毋是第一名，毋過卻是我行向成功的一大步。
後來我參加桃園市的演講比賽，比賽前我愈拍拼練習，阿母講我盈暗在睏閣會酣眠袂輸是咧比賽。人講：「艱苦頭，快活尾」，比賽煞，我佇網站看著家己著第一名的時，實在有夠歡喜，這的過程鹹酸苦澀的滋味予我更加珍惜成功的滋味。生活的鹹酸甜，就愛溫溫仔試滋味，著愛溫溫仔去感受其中的歡喜佮傷悲，您講是毋是！
今仔日我的故事講到這，多謝逐家!
山頂國小4年2班 傅 晴，指導老師：呂吳珍勝 老師
題目：我尚甲意……
內容
我尚甲意的故事----骨力食粟，貧惰吞瀾
古早古早有一個李阿財，伊有兩個後生，阿財因某足疼惜這兩個囡仔，不甘予因食苦，煞養成這兩個囡仔貧惰骨、欲食毋討趁，無論阿財按怎共苦勸，因後生就是毋聽啦。尾手阿財因翁仔某嘛老矣！無法度閣作穡矣！因的田地就囥咧拋荒。
有一工，阿財破病矣，病甲足嚴重，伊想講伊若死，因這兩個後生遮貧惰是欲按怎就好？伊就叫因後生來眠床前甲因講：「佇咱的田裡，有我埋兩大箱的金銀財寶，等到我若死，恁若無錢通開，恁會使去挖。」
過無偌久，阿財就死矣。因兩個後生，阿兄驚小弟先去挖；小弟驚阿兄跑去掘，兩個人攏七早八早，天未光、雞未啼、狗未吠，鋤頭攑咧就出門，欲去挖這兩大箱的「金銀財寶」。一工掘過一工，田頭掘到田尾，毋管是透大風，抑是落大雨，無停一直咧揣，毋過就是揣無這兩箱「寶貝」。
當因兩個人甲田塗掘鬆了，因阿母就偷偷仔綴後壁甲五穀的種子掖落塗，經過一段時間，規個田裡發出一片青龍龍的五穀。這時因兩個才覺醒，原來這是因阿爸的計智，雖然因無揣著金銀財寶，毋過因所得到的教示是比金銀財寶較價值。
各位朋友咱嘛不通貧惰，「骨力食粟，貧惰吞瀾」，一分的耕作才有一分的收成。逐家愛會記得哦！
